[Waah Fdatek]

المشاركة الأصلية كتبت بواسطة sense princess السلام عليكم والرحمه .. وعليك السلام ورحمة الله وبركاته .. بدون اي مقدمات انا انسانه "حيرانـــه" بشكي لكم ولا يهمك اشكي.. كلنا قلوبنا مفتوحه لك .. انا كائن حي عايش بمكه .. وقدمت بعزوز وبأم القرى اذا جا موعد مكه قبل جده حاروح واقدم عالحاسب بس ماظنتي انقبل لاني شفت النسب للعام الماضي ومارح تفرق كثيييييير عن هالسنه واذا انقبلت ف ألف الحمدلله لكن ف حال مانقبلت اتفقت مع اهلي >> اخلصي عليناا اتفقت انو اشيل قشي واروح جده لكن سالفة اني نازله طالعه مكه جده لا مستحيل ليش مستحيل ؟؟ .. انتي عارفه انو عندنا بنات من المدينة .. كل ويك اند نازلين طالعين المدينة .. وغيرهم من الشرقية .. وغيرهم من مكة .. وعادي الحياة سعيدة .. صح أنه تعب لكن تحملوا والحمد لله ماشين .. وغيرك تتمنى أهلها يسمحون لها تسافر برا مدينتها عشان تكمل دراسة .. لكن ما يسمحون .. وغيرك عايشين في الغربة .. يقعدون 3 شهور ما يشوفون أهاليهم .. واللي في سكن خاص وحالة من القلق وعدم الأمان .. واللي في السكن الجامعي وهمه والمشاكل اللي نسمعها عنه .. لا تقولي مستحيل .. ف قررنا انو اسكن بالسكن الجامعي وكل ويك اند اطططس مكه لين هنا مافي اي مشكله حلو.. المشكله ان كل ماحد يسألني وتسسذا بس اقول "سكن" يقول لاااااه وفيه مشششاكل وفيه مسسخره وفيه وفيه وفيه ف وقسم بالله ماكتبت هالمووضوع الا من قلق وخوف وكل ابو شي ف قلبي ابي رأي كل شخص وشخصه يدخلوا الموضوع ولحد يعطيني روابط لمواضيع تخص السكن بعزوز لاني ماخليت كلمه وحده ماقريتها :: ملاحظه ،، السكن الخاص اهلي رافضينه :: طيب بما انه أهلك رافضين السكن الخاص .. وبما أنك رافضة روابط لمواضيع .. وبما انك كل ما جبتي طاري السكن هبّوا فيك خلق الله .. وبما انك طالبة رأينا .. أنا بأقولك رايي .. شوفي حبيبتي .. كل مكان له إيجابياته وسلبياته .. كل مكان فيه شي حلو وشي مر .. الناس تسمع الأشياء اللي مو حلوة .. وتكبرها .. يعني زي الإشاعات والمشاكل وهيكا .. وبما أنك ذكرتي كلمة مسخرة .. فأعتقد إني فهمتها .. شوفي حبيبتي .. كل واحد في هالدنيا عنده عقل ويميز الصح من الغلط .. يعرف الزين من الشين .. فإذا أنتي كنتي سامعه شي عن السكن .. وأنا متأكدة انك سمعتي .. وبما انك عندك عقل تميزين .. فأنا أقولك حطي عقلك براسك تعرفين خلاصك .. مو لازم كل مكان في مصايب أنه لازم كل خلق الله سيئين .. انتي مادام عارفه الغلط لا تسوينه .. خليك متمسكة بأدبك وأخلاقك .. افرضي شخصيتك المحترمة على الكل .. أعطي الناس إنطباع جميل عنك .. خلي سمعتك حلوة .. لا تحتكي بالناس البطّالة .. لأنهم شبهه .. أمشي مع الرؤوس ولا تمشي مع الذيول >> سوري ع التشبيه .. لو كنت مكانك ما راح أخاف ولا أقلق .. الشي الوحيد اللي راح أخاف عليه كيف أحافظ على نفسي هناك وبس .. ما اسمح لأحد يدوس لي على طرف .. ولا ينمسك علي غلطة .. مالك أنتي ومال الطريق السيء .. أمشي عدل وراح ترتاحي .. صاحبي بنات كويسين .. بعدين ترى مو كل البنات هناك سيئة .. والله انو فيه بنات جدا جدا رائعين .. فمة في الرقي والأخلاق .. بعدين ترى لمن تتعرفي على صحبات من الجامعه ويكونوا معاك بنفس السكن .. مرة حلو .. يكون الجو مرة حماس .. أربع وعشرين ساعه وانتوا مع بعض .. وتناموا وتصحوا وتأكلوا وتشربوا وتقعدوا مع بعض .. يعني شي مرة حلو .. أنا اتمنى أكون مكانك .. بالرغم من مساوئ السكن لكن والله ماقد فكرت فيها .. دايما كوني متفائلة .. وشوفي الجانب الجميل .. لو كنتي تعاملي كويس مع اللي في السكن .. محد راح يسويلك شي .. بالعكس كلهم راح يحبونك .. بعدين حتى لو حصلك شي .. ماأعتقد أهلك راح يتركونك .. تراهم جنبك على طول لو احتجتيهم .. وهناك فيه إدارة ومراقبات ونظام .. لازم تلتزمي فيه .. ملخص كلامي .. لو انتي ملزمة تروحي السكن .. روحي ولا تلتفتي لأي مقولة سيئه عنه .. لأني متأكدة أنك راح تتصرفي بأحسن التصرفات وراح تتعاملي مع الكل باحترام .. وماراح تغلطي .. أنا متفائلة فيك جدا جدا .. وقدامك مستقبل حلو .. لا تضيعينه عشان كلمتين لا تودي ولا تجيب .. المهم انتي .. انتي وبس .. وأعتذر جدا جدا على الإطالة .. يعطيكم العافيه مقدماً

الله يعافيك ..