[LeLou]

السلام عليكم و رحمة الله و بركاته..

أول حاجة أنا ماراح أعقب على كل الردود حاليًا..
راح أبدأ شوية و أكمل الباقي بعدين لأني مشغولة الحين..

أول حاجة أشكر الأح تركي على المعلومات الأكثر من رائعة..

بعد كذا:~
بالنسبة لمسألة احنا نعيش في الماضي،، يا جماعة انتوا فاهمينها غلط..
احنا بعبارة دقيقة ما نراه هو الماضي..
و أنا شرحت النقطة دي و راح أرجع اقتبسها لكم هنا عشان تشوفوها ثاني..

معليش اسمح لي أعلق على دي النقطة.. خيو إنت واضح انك عارف مسألة أنه الزمن و المكان شي واحد.. الحقيقة،، أنه زي ما كل النقاط في الفضاء موجودة،، هذا يعني أن كل لحظات الزمن موجودة،، لكن مو هنا في مكان آخر.. و هذا لا ينفي وجود المستقبل،، الماضي موجود لكن مو هنا في مكان ثاني،، و المستقبل موجود و احنا بنتحرك عشان نتقابل مع المستقبل،، اللي موجود لكن في مكان آخر.. و هذا هو بالنسبة ليا الدليل على أنه كل شي مكتوب.. فكرة أنه كل اللي نراه في الماضي جاية من فين؟! إنت عشان تشوف أي حاجة؛؛ لازم الضوء يسقط عليها و ينعكس على عينك و بالتالي بتشوف الشغلة اللي قدامك.. صحيح الضوء سرعته هائلة اللي هي (186000 ميل/الثانية) لكن الضوء عشان يقطع المسافة من الجسم لعينك وقت ما ينعكس راح ياخذ وقت.. و اللي بنشوفه هو صورة الجسم لما سقط الضوء عليه.. مثال: وو في نجم يبعد عنا مسافة سنة ضوئية،، لما نشوفه راح نشوفه سنة في الماضي.. ليش،، لأنه الضوء احتاج سنة عشان يوصل لنا فبالتالي الصورة اللتي نراها هي الصورة التي حملها الضوء قبل سنة.. طبعًا السنة الضوئية هي المسافة التي يقطعها الضوء في سنة و هي وحدة قياس المسافات الكبيرة.. و كمان ضوء الشمس يحتاج 8 دقائق عشان يوصل لنا،، فبالتالي الشمس التي نراها هي الشمس قبل 8 دقائق.. دا معناه اللي بنشوفه هو الماضي و لا يعني أنه الموجود فقط هو الماضي..

بعد كذا النقطة دي:~

تعقيبا Speed of light 'broken' at CERN, scientists claim http://www.telegraph.co.uk/science/s...sts-claim.html

ما قرأت الموضوع لكني عارفته و قرأت عنه مسبقًا..
و التجربة دي اللي انعملت في LHC راح تنعاد مرة أخرى..
و خلاصة الهرجة انهم اكتشفوا نيوترينو بيتحرك أسرح من الضوء بحاجة بسيطة..

للي ما يدرس الفيزياء،، في معلومة لازم تعرفوها،، انوا النتيجة اللي بنتوصل لها في المختبر ما نجزم بصحتها من أول مرة..
لازم تنعاد التجاربب في مختبرات و مختلفة لأنه عادة يوجد خطأ و أنواع و أسباب الخطأ كثيرة،، ممكن الشخص ما ضغط الساعة مزبوط ممكن كان في عوامل خارجية أثرت..
انتوا ما تعرفوا كم تجربة انعملت الين ما قالوا أنه تسارع الجاذبية = 9.8 متر/ثانية^2
المهم أنه في معامل الفيزياء لازم التجارب تنعاد و التجربة دي ما اعتمدوها و قالوا لازم تنعاد و لو طلعت فعلا صحيحة راح نبدأ نغير في القوانين..
و مو فاكرة فين بالزبط قالوا راح تنعاد بس أتذكر اليابان و أظن أمريكا و أماكن أخرى..
إلين ما تنعاد التجربة و يتأكدوا من النتيجة ما نقدر نجزم بشي..

اعتقد انه من الممكن انه يتم تخطى سرعة الضوء , بكذا طريقة مثل طريقة الإنتقال الأنى Teleportation

طبعًا في طرق مرة كثيرة أنا ماحبيت أخوض فيها،، احنا ممكن نكمش الفضاء،، نطوي المكان،، نعمل ما يسمى بــ :
Wormholes
أو كمان في:
Quantum entanglement
اللي من خلاله بنعمل Telepotation
كلام ما راح ينتهي و ما أبغى أخوض فيه كثير الصراحة..

لكن اللي أبغى أنوه عنه،، أنه يا جماعة النظرية النسبية مو هي كل شي،، في نظرية أهم و أقوى منها هي ميكانيكا الكم..
الاعتقاد الخاطئ اللي الناس تحسبة النظرية النسبة هي أعظم اكتشاف و أقوى اكتشاف في الفيزياء..
في حين أنه نظرية الكم (Quantum theory or quantum mechanics) هي أنجح نظرية في الفيزياء و أعظم اكتشاف فيزيائي..
و اللي فهمها أصعب من فهم النظرية النسبية بمراحل..
إللي في الحقيقة آينشتاين بحد ذاته ما رضي يصدقها..
و اللي لازم نكون فاهمينها عشان نقدر نتكلم في دي المواضيع و أنا ما حبيت أفتح سيرتها..
//

أكتفي بهذا القدر و ارح أكمل التعقيب لاحقًا||~