[(elaf)]

شوفي حسب مستواكي في الثانوي والقدرات والتحصيلي بيكون مستواكي في الجامعة

ماقلت الثانوي بس لانو معايا بنات جايبين في الثانوي 100 والتحصيلي 65
يعني حسب المدرسة اذا انتي تعبتي في الثانوي وجبتي درجاتك بجدارة حتجيبي نفس الشي في الجامعة

هيا مو مسهلة ولا انها ديك الصعوبة بس يبغالك تذاكري مزبوط وتراجعي اكثر من مرة وتبدي تذاكري قبل الاختبارات باسبوعين وفي الرياضيات والفيزيا اهم شي الملخصات مع الكتاب عشان تتدربي على كل الافكار لانهم مايجيبو الاسئلة مباشرة زي المدرسة ويبغالك تتحملي ضغط الانجليش لانو ساعاتو طويلة انا بكلمك بصراحة يعني ما بقولك سهلة وسوي اللي تبغيه وتضيعي نفسك
ذاكري اول باول والدراسة بالانجليش ترا مو مصيبة انا اول ما دخلت الجامعة كنت ادوخ من الشمس وارجع انام ما اصحا غير ثاني يوم وكنت حاسة اني مستحيل افهم الكتب وهيا انجليش فكنت مطنششة الدراسة لين قربت الاختبارات وصحيت على نفسي ذاكرت وحسيت انو الانجليش عدا مرة عادي ذاكرت بامانة والحمدلله درجاتي كلها عالية

اهم شي لا تستسلمي تحت الضغط لانو هادي السنة ضغط نفسي اكثر شي ولا هوا كلو اعادة حقت الثانوي

ادري كلامي مرررة كثييير بس لمصلحتك ^_^