طيب انا عندي عدة اسئلة
اول شيء عندي جوال (أي فون ) وحابة انزل عليه دكشنري طبي ...من وين اقدر انزله ؟
و كيف ممكن انزل كتب على الاي فون طبعا كتب الطب الالكترونية ؟
و اش الاشياء الثانية المفيدة اللى مهم اني انزلها يسير تكون معايا دائما او احتاجها ؟
و كمان اول يوم و اول اسبوع لما نداوم اش نلبس ؟
و اش وضع الحجاب معانا نتحجب ولا نكشف عادي مافي رجال ؟
و هل نجيب معانا دفتر ندون فيه الاشياء المهمة في المحاضرة زي التحضيري ؟ و لا الشيتات ( السلايدز ) كفاية لنا حتى في المحاضرة ؟؟يعني ابغى افهم كيف حيكون وضعنا في المحاضرة فقط مستمعين ؟؟ عز الله ما حترسخ في بالنا المعلومات :( !
صراحة انا صح فرحت اني انقبلت الحمدلله وكدا بس مرة خايفة لانو النظام حيكون جديد عليا ومني عارفة كيف طريقة المذاكرة؟
يليت تفيدونا
