[دره جده]

أختي انا حتكلم معاك من جد من جد كأخت ..لأن والله حاسه فيك وموقفك قريب ع موقفي
طبعا انا مثلك انصدمت مررررره لمن حطوني تمريض وفقدت الامل في كل شئ وقلت خلاص دا مستواي..
بس بعدين كل شوي استخير واستخير وادعي .. لأن منجد ربي هو الي يعلم الخير للكل .. امكن طموحنا شئ تاني
بس مح نقدر عليه ..
وبدأت أقرأ كتييييير ع التمريض وعرفته عدل وكمان ممريضات الدفعات الي قبلنا (الله يخليهم لنا ) في دا المنتدى مررره ماقصرو يعطوكي المصطلح الحقيقي للتمريض مو زي ماكنا عارفينه
ولا تنسي انتي لمن حتدرسي تمريض حتستفيدي من تخصصك في الدنيا والاخره ..<< في الاخره لأن ان شاءالله ربي يكتبلنا الاجر واحنا نساعد المرضى ونشوف احتياجاتهم .. وف الدنيا لاتخافي الوظائف مثل ماقالو الي قبلنا جداااا متوفره لأن محد سار يهتم ف التمريض ..
لكن برضو .. انتي استخيري وسوي الي عليك وماتسيبي طموحك تختفي في لحظه .. قدمي تحويل للتخصص الي تبغيه واجري وراه مره ومرتين وتلات وخليك صاااابره في كل خطواتك
وان شاءالله يتحقق طموحك .. وادا ماتحقق فهو خير لك ( فربي اعلم بما هو خير لنا ) حطي دي العباره دائما قدامك .. ولو كنا متوكلين ع الله وواثقين ووراضين بقضاء الله وقدره .. حنعيش بسلااام بإذن الله !!
....
اهم شئ ياقلبي ماتحرقي اعصابك وتبكي .. وكلن بياخذ نصيبه من تعبه .. وفهمي اهلك ع التخصص دا مزبوط .. وقوليلهم انا حابه اتعلم .. حابه اخدم مجتمعي ولو بشئ بسيط .. وفهميهم ان ممكن تكملي دراساتك العليا واكييييد حيكون لك قيمه عاااااليه في المجتمع
وفهميهم ان ممكن ربك ماححق حلمك وحقق حلم الباقين بس ممكن حيعوضك بشئ تاني في ناس كتير كانو يتمنوه وماوصلهم بس وصلك .. مو شرط دراسه ..
...
عالعموم اقولك شئ ترا انا مثلك ابغى احول .. بس استخرت ومتأكده ان ربي ادا ماكتبلي تحويل فهو خير لي..
وع الرغم من ان التحويل في بالي .. ولسى مابدأت التمريض .. الا أني عندي احساس ان التمريض شئ راااااااائع والأروع تقديم العون للمرضى << شعوور رهيييييييييييييييب لا يفوتك =)
.. اسفه ادا كلامي كان في شئ غلط او ماعجبك ( مجرد رأيي) والله يوفقك وين ماكنتي وان شاءالله اهلك يتقبلو الوضع