[أبث حزني إلى الله]

المشاركة الأصلية كتبت بواسطة حيــــــاة صبحك ربي بالمسرات والخيرات اول شيء اهنيكي على حرصك وسعيك ورا مستقبل بناتك الله يحفظهم لك ويحقق لهم مبتغاهم انتي اهدي شوي وريحي نفسك عشان بناتك لانهم يستمدون قوتهم منك .. اسعي لهم ايوة بس ماينفع تتحطمين كذا ويصيرون هم مثلك .. انتي شعلتهم انتي وقودهم . الدنيا ما انتهت لما ما انقبلوا والعمر لسى قدامهم والقادم اجمل الدراسه ملحقين عليها هالسنة او اللي بعدها او اللي بعدها انا اقولك شيئ : انا اللي جالسة احدثك الحين لي سنتين وانا مقدمه عالجامعه وهذه الثالثة تخرجت من الثنوي بنسبة عااالية وكان موزوني ذيك السنة 85 لكن ما انقبلت *_* لسبب بسيط هو اني غير سعودية ونسبة القبول لنا كانت اعلى من كذا كانت 88 طبيعي في البداية زعلت بكيت .. لكن شوي ووعيت على نفسي .. اش فيه اش صار في الدنيا ماصار شيئ ربي ما بعد عني هالشيئ الا لانه في غير بعشر مرات مستنيني وعيت على نفسي وصحيت من الجحر اللي حشرت نفسي فيه .. انا انحطيت في اختبار لازم اثبت لنفسي واللي حولي اني اقدر اتغلب عليه .. بالرضا + بالتفاؤل + بالسعي ماسبت طريقه منح وتسجيل الا وسجلت بس مافي نتيجة .. كانت اقصى درجات السعادة عندي لم ابحث وادور كان شعور غير . احساس بالمسؤولية والثقة بالنفس وهذا اروع شيئ تعلمته .. ما اكذب عليكي اني الحين كل ما اذكر اني ما انقبلت ذيك السنة احمد ربي الف مرة لانها جد كانت مرحلة عرفتني بنفسي .. عرفت انا اش ابغى واش ابغى ادرس واش ابغى اكون .. كنت حاطة في نفسي اشياء غلط وفهمتها اشياء كثيى كثير كثير لنفسي وهذا اهم شيئ عشان الواحد يقدر يمشي في حياته وينجح صح لازم يكون فاهم نفسه . المهم على نهاية الترم الثاني من ذيك السنة بديت استعد للقدرات والتحصيلي قبل شهرين من الاختبار ( استعداد ذاتي ) مجرد بحث في النت ومذاكرة ذاتية من الكتب المتوفرة . . المهم اختبرت وحصلت عالموزون 89 .. فرحت وقلت اكيد بنقببل بما ان السنةاللي قبل وقفوا 88 قلت اكيد بنقبل السنة اللي بعد لاني وصلت ل89 . لكن ولللاسف ما انقبلت كمان *_* لانهم وقفوا 90 . واهو انا هذه ثالث مرة اختبر قدرات وتحصيلي مذاكرة بطريقة جديد وبتفكير جديد وشخصية اقوى ووصلت للموزون 91 ولله الحمد . الى الان ما جا القبول لانه ياخذ اجرائات طويلة ومايجي قبولنا الا عالترم الثاني بس راح انتظر لأنه القادم اجمل وكل تأخيرة فيها خيرة ومهما اشتد سواد السحب فعما قريب ستمطر والاهم من هذا كله ربنا ماياخذ من احد شيئ الا ويعطينا احسن منه شعورك زي اي ام تتمنى الخير والاحسن لبناتها تتمنى تشوفهم في اعلى المراتب لكن كوني انتي وقودهم بالقوة والشجاعه والصبر والتفاؤل والثقة . ماقصروا اللي فوق اعطوكي حلول منها منح ووو اذا كله مو نافع خل يعيدونالاختبار بالعكس بيحسون بالقوة والانجاز . انهم ما انكسروا ثبتوا صبروا صمدوا اعتمدوا على نفسهم . تأكدوا انه ربي مخبي لهم الخير .. وانه على قد ماتعبوا واجتهدوا فالخير جاي وراح تتبدل كل تعبهم لراحة بلا حدود بإذن واحد احد . لا تخلينهم يقولون سنة كثير نجلسها .. ابد ماهي كثيرة مثل ماقلت لك الشعور في البداية متعب كنت افتح المنتدى وابكي اني ما انقبلت ما اقدر امسك نفسي بس لم عرفت انه كله خير بالعكس قويت وقويت وقويت راح تعدي وراح تحسين بالفرق في شخصياتهم لو كنتي لهم وقود للتفاؤل والقوة والاصرار .. عمرها االاحلام ماتموت والا وتتحقق بس لازم مانوقف عند اول محطة ونيأس مافي شيئ اسمه فشل كلها محاولات وكل محاوله تخلينا اقوى واقوى . اسفة تكلمت كثيـــر والله الكلام انكتب لا شعوريا لاني مريت بهالشي ومو مرة وحدة الا مرات ومرات ومرات .. بس بغيت ابين لك ان مافي شيئ صعب وكله بيتحقق بس بالهدوووووووووووووء انت اهدي وكله بيتحقق .. وتأكدي : بأن القـــــــــــــــــــــــــــــــــــــــــــــــ ــــــــــــــــــــــادم اجمل اسعدك ربي في بناتك وحقق لك ما تتمنين اعتذر على ركاكة الاسلوب لكنه خرج مباشرة من القلب ومن وسط الالم الذي ولد الأمـــــــــــــــ^ـــــــــــــــــــــــــ^ــــ ــــــــــــــــــــــــــــــــــل

ياحياة ياحياة ياحياة
استحوذت على الكثير من أسمك

كنت أقرأ وابتسم
كنت أنظر لك نظرة مختلفة
الأصرار يمحنا الكثير يعطينا حالة استنساخ لشخصياتنا حد الوصول إلى الشخصية الذروة
والتي تجيد التعامل مع أزمات الحياة
أمامك لاتملك الحياة إلا أن تفتح لكِ أبوابها


سيأتي يوم للتعليم لايعترف فيه بالجنسيات ليأخذ كل عقل نصيبة وفرصته

حياة لم تتركي لي فرصة أكثر من تهنئتك
وهذا ماتحتاجينه وماأوده

هنيئاً لكِ أنتِ
مثال يحتذى بهِ فعلكِ

أسعد الله كل أوقاتك بالرضا والحب والخير والسعادة والنجاح والفرح والإبتسام :)