[Dodi77]

السلآم عليكم بنآت

بقولكم اليوم وش صآر معاي في اختبار تحديد المستوى بالتفصيل الممل

اختباري اساسا يبدآ 9 ونص

رحت للجامعة ماني عارفة الطريق بالضبط بس اتعديت كلية الصيدله كانت على اليمين بعدهآ كان كثير لوحات مكتوب فيها الى اختبار الطالبات ( تحديد المستوى ) مشيت مع اللوحات ولقيت المبني

نزلت من السياره على 9 الا ربع تقريبا
أول ما تدخلي في أمن تشوف بطاقتك الجامعية
وبعدها دخلت جوآ الجامعه .. سألت حقة الامن قلت فين اروح قالت امشي مع الارجل
كانو حاطين آثار أقدام في الارض تتبعيها

في بنات قبلي ركبو القولف وودتهم مبنى 8 على طول .. بس على حظي امتلت السياره ورحت مشي مع قروب بنات

المهم اول ماتدخلي المبنى يدلوكي المشرفات الين توصلي قاعه تدخليها
تقريبا كل 15 بنت يكونو قاعدين وطاولاتهم تكون بلون معين
احنا يمكن 5 الوان جوآ القاعه
المهم اعطونا ورق تكتبي فيه الرقم الجامعي + اسمك الرباعي
وقالو بيشغلو عرض يشرح لنا طريقة الاختبار
بدأ العرض 9 ونص الى 10
وفي بنات دوبهم يدخلو على 10 .. رجعو شغلو الجزء الاخير ( الجزء المهم ) عشانهم
لمن اكتملنا خلاص ..كل شوية تجي مشرفة ومعاها لوحة فيها لون
اذا نفس لون طاولتك تقومي تمشي وراها
وتآخذك لقاعه فيها كمبيوترات .. تقعدي على الجهاز والمشرفات ممرا حبوبات اي سؤال تسأليهم يساعدوكي .. + لا تنسو تحطو الجوال سايلنت < جوالي دق وفضحني
مدة الاختبار 40 دقيقة بس كثير خلصو قبل
في اسئلة الاستماع نصيحه اول شي اقراي السؤال والاجوبة بعدين اسمعي
مسموح لك بالسماع مرتين بس !!
برضو اذا ما حليتي سؤال تطلع لك نافذة تقولك انك ما حليتي السؤال هل تريدي الاكمال بدون الحل .. اذا ايوا تضغطي نكست < لآ تسووها ذي الحركة بس كمعلومة يعني

لمن خلصت من الاختبار قالت لي المشرفة وقعي هنا .. وقعت والحمدلله خلصت
نزلت لنفس المكان اللي جيت منو .. لقيت وحدآ تقول بنات التحضيري المستجدات يللا اركبو القولف كار عشان بنآخذ جولة في الحرم الجامعي
ركبت مع بنات مرا عسولآت والمشرفة تشرح لنا كل مبنى حق ايش وايش اسمو وكذا يعني
الجولة اخذت تقريبا 10 دقايق ونزلتنا عند البوابة اللي جينا منها

ولمن جيت اخرج قالت لي الامن وريني بطاقة الجامعة المهم خرجت تقريبا على 11 ونص
كنت أحسب ما اطول بس طولت بسبب الاجراءات وكمان البنات اللي جوو متأخر عشان عادو لهم العرض

صراحة كآن يوم جميل
فآلكم التوفيق ي بنآت

ما شفت اي بنت كتبت عن اختبارها غير د.جودي الله يسعدهآ
حبيت افيدكم ودعوآتكم ي بنات

أهم شي لآتنسو بطاقة الجامعة ماراح تدخلو وتخرجو الا بها + روحو مصحصحين عشان لآ تتنحو < مو أنا
اللهم صل وسلم على سيدنا محمد

* في وحدة كانت معانا قالت للمشرفات انها بكرآ مسافره وتبى تختبر اليوم .. أسمع المشرفات يقولو لها عآدي جدن < عشانك ي آمون