[Aishah AL-farhah]

وضعي الآن

إنسانة مكروووفة على إلى آخر حدّ
وطافحة من البيك طفح اللهم ياكافي

أكبر كارثة تصيبني ، لما الوالدة تجيني تقول : تعالي معي السوق
صعععب إني أردها ، لأنها تحتاج رأيي ، ومشوار السوق بحد ذاته يساوي الموت
بمجرد إني أنزّل رجلي من السيارة ، وأحطها بالسوق ، تصيبني ضيقة عجيبة
والحمدلله إني متغطيّة وإلا كان أمي لاحظت قد أيش وجهي معفوس
من بعد صلاة العصر إلى الساعة 11 ليل ، وإحنا بالسوق
أمي ذوقها تقليدي كثير ، والمشكلة ما تقتنع به تمام ، لازم تاخذ رأيي
وغير كذا ما ودي أجبرها ، لذلك طول الوقت أفاوضها وأداريها
الحمدلله وخلصنا من هالحاجة ، والباقي هيّيّيّن كثير

لاااااااا وفوق هذا ، ودّهم أروح أشتري لوازم العيد
قسم ما نويت ، أصلًا هو فيه عيد اليومين ذي
هي هي ملابسي الأولانيّة وش فيها ! يازينها ألبس منها وانتهينا
نصصصها ملابس تصلح للجامعة من أيام الدوام

بالسوق وأنا في السيارة فتحت سكاو من الجوال
و شفت شيء خلاني أروّوّوّق على الآآآآخر
وصرت أوزع ابتسامات لأهلي من تحت الغطوة