[مصره على قراري]

احيانا الناس تحكم علينا من الظاهر

او بالاصح ... بالشكل الي هي حابه تشوفنا فيه

عشان تتعايش معنا بالطريقه الي تناسها .. لانهم يبغون كذا

...

مثال ., شخص وده يعيش دور المظلوم ~ يعتبرك ظالم !

ويتعايش مع هالفكره

وينسى انه يعامل ( قلب)

يحس ويتأثر وينجرح ., من اقل وصف او حكم يطلق عليه وهو مايستاهله

مشكلتنا ( مانحط نفسنا مكان الاخرين )

ونحكم بسرعه .. وردات فعلنا عنيفه

كنت كذا للأمانه ., مثلي مثل هالناس

بس الدنيا علمتني ., اني انوجع مليون مره ارحم من اني ( اوجع ) غيري

محد منا يفكر ., هالظلم وشكثر قاسي .. ويقتل

حتى لو كان من كلمه ., ورد فعل مسبق على تصرف ما

قدموا حسن النيه دايما

والله العظيم وعن تجربه مو كلام ينثر بصفحه ويضيع

مرات كثير يكون بيني وبين ( الضرر) شعره

وعقلي يقلي هالشي يضرك لا تتقبلينه

واقول يابنت قدمي حسن الظن وتعاملي مع رب العباد وبيحميك

ومن رد فعلي حتى لو كان هالشخص ناوي يضرني يتراجع

لان الطيب يدخل القلوب ..

ولان رب العالمين يجازي بالنوايا

في قاموس العامه يسمونه ( هبل , سذاجه , طيبه زايده ... الخ)

بس عند رب العالمين اسمه ( احسان الظن )

اعتبره هبل او سذاجه زي مايقولون

لما اكون شخصيه ( على وجهي ) وبالبركه

لكن انا اعرف واحكم عقلي واتوقع الضرر واعرف شدته

ومع ذالك احسن الظن

لاني اتحمل اني انضر ., ولا اظلم احد حتى بالظن وبأقل الاساليب فالتعامل

ما اعرف ايش مناسبة هالكلام

بس عودت ( شتات ) اني اعبر فيها بعفويه .. بدون قصد ~ فالغالب