السلام عليكم ورحمة الله
مبروك عليكم الشهر مقدما
وكل عام وانتم بخير ..
انا طالبه جديده بالانتساب .. وانا من سكان منطقة الرياض ..
و ارسلت اوراقي عن طريق الدي اتش ال .. ووصلت لهم ...
ولقيت رد العماده ... انهم يبون صورة من بطاقة الاحوال واضحة المعالم و مدون عليها رقم الاحوال بوضوح ..
و انا بطاقتي الاحوال بتطلع بنص رمضان .. بطاقتي الاحوال الجديده ... لان اللي ارسلتها لهم صورة هذي قديمة عندي و صورة بس ماعندي الاصل .. انسرقت مني ...
طيب .. اللحين وش الحل .. عادي يمديني الى نص رمضان ولا بيوفتني التسجيل ..
وغير كذا .. كاتبين لي انه لازم اطبع الاوراق من جديد من النت و ارجع ارسلها لهم ..
و الزر مايشتغل ... لي اسبوع احاول فيه ولا يشتغل .. زر الطباعه ..
بما انك بترسلين الورق من جديد لا مابيفوتك ،، لانه التسجيل مفتوح الين 30 شوال
يعني معك هالفترة كلها عشان ترسلين ودام بتطلع بطاقتك نص رمضان اول ماتطلع ارسلي اوراقك .
ووانه ما يرضى يطبع لك ،، غيري المتصفح وبيطبع بالراحة ،، اعتقد افضل شيئ موقع الجامعه يفهمه هو الاكسبلور
و غيررر هذا كله ... انا ارسلت لهم صورة من شهادة الثانوية و مختومه من الوزاره ... ارجع ارسلهم وحده ثانيه .... يعني ارجع للمرمطه مره ثانيه ولا كييف ...
يعني ماعندك صورة ثانية مختومه ؟
دام ماعندك وماتبين المرمطة للوزارة ،، اختمي الصورة من الجامعه لو اسهلك .
خلي احد يروح من قسم الرجال وياخذ الصورة والاصل ،يفضل اكثر من صورة عشان لو احتجتي بعد كذا ،، ويروح للعمادة ويقولهم بختم عالشهادة وبيختمون له في ثواني وهو واقف .
و اسفه ع الاطاله ...
و اذا فيه رقم للجامعه افيدوني الله يجزاكم خير علشان اكلمهم و اتاكد من الموضوع ...
6952222 < افضل وقت تتصلين من 9 ونص وفوق > هذا اكثر رقم يردرن عليه
6400000
6952000
و شكرا ...