لالالالا سبب الحوادث مو السرعه السبب شوارعنا المكسره الله يرحم حالنا
وين المشكله لو حكومتنا الموقره وبلديتنا العزيزه و امانتنا الخاينه تكرمو علينا وجابولنا احسن شركات السفلته ..؟؟
والله العظيم شارع جديد مالو يومين مسوينو تمشي تلاقينو كلو حفر
يا ناس ياعالم سياراتنا اتكسرت ابناء شعبنا العزيز نصهم ماتو بسبب السكك المكسره و الحفريات اللي ما ادري ايش تبغا
لازم في كل حته في جده تلاقي حفريات ( الحفريات حقتنا هيا الزينه بدل ما يحطو ورود واشجار يحطون حفريات وحولينها لمبات صفرا )
ما ادري ايش مصبرنا على شوارعنا
|
انا معاكي شوراعنا مايبغالها كلام بالمرة ولا مقاش انها سيئة
بس بكل امانة من وجهة نظري السبب في كثرة الحوادثالحاصلة هي ثقافة الشعب في السواقة!! للاسف معدوومة طبعا مو الكل ابدا بس فئة كبير لا احترام للغير وغير الطلوع فوق الرصيف عشان شوية زحمة اما الشارع اللي بيخربو ولا على بالو وبعدين يقولو شوارعنا خربانه ومكسرة !!
مو بس اهل البلد حتى الاجانب الاحظ نفس المشكلة بس مايتلامو اذا شايفين اهل البلد كدا يعني بيكون قلبهم ع البلد اكثر من اهلها الله يهديهم
شعبنا ينقصه بكل امانة وعي وثقافة احترام للغير وبتتحسن اموور كثير ان شاء الله
اشكرك على مشاركتك