بسم الله الرحمن الرحيم
مبآرك عليكم الشهر
ربي يجعلنا من صوآمه وقوآمه
الحمدلله الذي أنعم علينا بصيام شهره
ويارب إرحم موتآنا واغفر لهم
اليوم طبعآ الفطور كآن عند عمتي
أنا سويت كشري
من زمآن نفسي فيه والحمدلله سويته
الكشري
طويل في السرد ....طويل في التحضير....طويل في الطبخ .....طويل فيما بعد الطبخ.... هههههه
عشان كذا تشوفون كل السفرة بلاستيكك هههههههه
وكآنت السفرة لابآس بهآ بسبب مرض جدي الله يشآفيه
محد له نفس يآكل
المهم
اناجهزت كل شي من الليل
لمن قمت ارتحت مره لاتقطيع ولا شي عشآن أفضى لقراءة القرآن
المهم كثرت هرج
نبدأ بالمقادير
ك. عدس أبو جبة
2ك. رز مصري( انا استعملت ماركةجرين فارمر)
فيه مكرونه اظن اسمها اعشاش المكرونة بوريكم صورتها
3ك. مكرونة مشكل ( انا استعملت كل كاسه شكل)
ك. حمص أو بليلة
6بصلآت كبار
ملح
كمون
فلفل اسود
بسم الله الطريقة:-
اول شئ قطعي البصل شرائح ورشي ملح وشوية دقيق ( انا استخدمت4 حبات)
عشان يتقرمش
واقليه في الزيت ( مازولا... عافيه .. اي شي
خليه الين يسير لونه ذهبي وارفعيه على طول وحطيه على مناديل تنشيف
لانو لو انحرق صار مر
صفي الزيت .. بعدين كسري المكرونة الشعيرية
واقليها بنفس الزيت
بس تسير ذهبية ارفعيها ونشفيها
برضو احتفظي بالزيت
في قدر اسلقي الحمص بدون اضافات
وفي قدر اسلقي العدس نصف سلقه من غير اي اضافات . ممكن تضيفين اوراق الغار .
بعدين قطعي بصله كبيره جوانح وشوحيها على نار هاديه حتى تذبل ( استخدمي الزيت اللي قلينا فيه البصل والشعيريه مسبقا )
واضيفي له الشعيريه المقليه
و تقلب
ثم يضاف الأرز المنقوع
والعدس المسلوق1/2 سلقه
بعديننسكب ماء سلق العدس للرز وإذا احتاج ماء زدناه . وياخذ تقريبا اربع كاسات ماء انا اقيسها بالنظر لين يعني اخلى الماء يغمر الرز وزياده سم تقريبا . وراعي تكون المويه ساخنه .
نخليهم يغلون وإذا غلى نهدي النار على الآخر . لان الرز المصري سريع الاحتراق وعلى طول يتكتل اسفل القدر .
بعدين
نسلق المكرونه وعادي اخلطيهم كلهم مع بعض .
مقادير الصوص الحار :
بصله متوسطه .
ست فصوص ثوم او حسب الذوق .
عروق فلفل حسب الرغبه( استخدم اربع عروق تقريبا واحيانا اكثر حلاتها تكون حاره) .
كمون حسب الرغبه ( تقريبا ياخذ معي ملعقه الى ملعقتين)
طماطم . 4 حبات
صلصة طماطم ( من ربع الى نصف باكيت )
مرقة دجاج .
ملعقتين خل
زيت ( اللي قلينا فيه البصل )
الطريقة
نفرم بالخلاط البصل ، والثوم والكمون . والفلفل والملح .
بعدين نقليهم بالزيت وكثري
الزيت حبتين .
لين يصير لونه ذهبي
نخلط الطماطم بالخلاط ونضيفه للبصل والثوم
ثم إذا بدأ يحمر وتنشف مويته أضفنا مرقة الدجاج والصلصه
خلاص خلصنا الحين نبدأ بوضع الكشري في صحن كبير
اول شي الرز+العدس+الشعيريةمع بعض
بعدين المكرونةوأيضا المكرونه أ ضيفيلها ملعقه من زيت البصل لو باقي هههه
بعدين الحمص وتضيفي له فلفل اسود وشطه
ثم نرش البصل
ونقدمه مع الصوص الحار
وبالعاااااافية
وهنآ الصوووووور
وبس
