[بطيخه حمرا]

هلا اختي
بالنسبه لنظرية الاحتمالات هيا المسمى العام لها احصاء
استاذه مرفت خليفه الي سمعتو عنها انها
تعطي بونس بس شرحها مش ولا بد :)
استاذة دولة السلمي شرحها جنااااااااااااااان وتعاملها مره حلو مع البنات والله ماتخلي كلمه مهمه الا تقولها اما اخدت معاها وبجد انسانه مررره خلوقه في البدايه ورتنا انها عصبيه عشان نحترمها بعد كده جدااا طيبه
بس ماتعطي بونس:( الدرجه الي تستحقيها تاخديها
دي الماده جدا سهله والله وتعتمد على الشخص نفسو اذا يحب القوانين والتعويض وكدا
بس طبعا لازم تشدي حيلك وتذاكري كويس
والاسئله حقتها دقيقه شويه لازم تركزي على السؤال قبل ماتجاوبي
واحيانا بيجوبو اسئله صعبه مو دايما
شدي حيلك مافي شي يجي من دون مذاكره

اما بالنسبه للأساليب وما ادراك ما الاساليب
هههههه>>الله يعينك
لا امزح معاكي
المهم ياحبيبتي
الاساليب نصيحه من اختك لا تعطيها اهتمام وتنسي المواد الآخرى لأنها بساعتين
اعطي كل ماده حقها ولا تخلي شي يأثر على شي
وانا مجربه اهتميت فيها وتركت الي اهم منها ونقصت في غيرها الي يرفع المعدل وجبت فيها الي ماتأثر في المعدل الا شويه
الماده تعتمد اعتماد كلي على الاستاذه
يعني اذا كانت استاذتك سمر طاهر
لاااااااااازم تنتبهي الف مره على البحث وتركزي على كل كلمه تقولها
ودايما تتابعيها عشان تعرفك كويس
وانتبهي في الاختبار الدوري الاول
open book
لما يكون السؤال اختياري
لاتضيعي وقتك وتفتحي الكتاب لازم تركزي لما تقرأي مزبوط لدرجة انك تقريبا تكوني شبه حافظه الاشياء السهله
افتحي الكتاب في المقارنه
وتنتبهي تنتبهي والله انو الماده جدا سهله بس الاستاذه تحسسك انها صعبه ويبغالها مجهود
بس والله تستفيدي منها كثير لو انتي حبيتيها
لاتسمعي من البنات لأنو من جد الترم الي فات كانت عندنا والغالبيه معقدين نفسيا من الاستاذه لأنها بصراحه عقدتهم ومعاهم حق
انتي شدي حيلك واتوكلي على ربنا
وكمان نصيييييييييييييييييييييييييييييحه رسبت كثيييييير من البنات
لا تسوي بحث زي حق صحبتك ولا زي حق بنت من السنه الي فاتت
لأنو كل إلي سوو دي الحركه رسبو والله العظيم كللللللهم 100 طالبه رسبو من دي الحركه
سوي انتي بنفسك معلي حتى لو كان صعب عليكي مررررررررره حتستفيدي منو
وانا اخدت الحمدالله علامه حلوه لأني شديت حيلي فيها
لاتعتبري كلامي محبط لكي بالعكس انا وربي ابغى انصحك عشان ماتوقعي زي البنات الي سار معاهم
والله يوفقك
ومانيل المطالب بالتمني ولكن تؤخذ الدنيا غلابا
عشان توصلي لازم تثابري
والله ولي التوفيق
اعتذر على الاطاله
وان شاء الله اكون افدتك
تقبلي مروري