[Aishah AL-farhah]

على سيرة كبار السن ، صار لي موقف مع عمتي
أكبر أخوانها ، عمرها تقريبا حول الثمانين وزيادة

إذا كلمتني لازم يكون فيه مترجم عشان أفهم وش تقول
لأن لهجتها منقرضة بصراحة + لأن أسنانها طاحت كلها صار عندها خلل في مخارج الحروف

فاللي صار لي ، إني كنت جالسة معها لحالي ، وبدت هي تتكلم وأنا قسم ماني فاهمة شيء
لكن جلست أجامل وأقول اييييه وابتسم وايييييه وابتسم وايييييه وابتسم شوي إلا الحرمة تبكي
حسيت إن أحد جاء مسك وجهي وجلس يتأملني شوي ثم صكككككني بكف جاااامد < وصف خرافي لشعوري وقتها

المهم رحت ناديت مترجمه الي هي بنتها وقلت تكفين وش السالفة ؟
قالت هي جالسة تكلمك عن أخوي ، كان مسجون وقتها
قلت عاد تكفين اعتذري لي منها والله مدري وش تقول ولا فهمت شيء منها