[*سلفادوره*]

المشاركة الأصلية كتبت بواسطة dr~nanoook السلام عليكم ورحمة الله وليش الاحباط والتحطم ؟؟ حضور الدورة ما يعتبر مقياس لمحبة الناس على تخصصنا والاقبال عليه وممكن خمسين سبب ماخلاهم يحضروا ولأي ظرف وممكن لأنهم اعتبروا ان الدورة غير موجهه للأسنان ولظروف منعتهم .. وهكذا ومقارنةً بعدد طلبة الأسنان للبشري 120 طالب وطالبة أسنان بالنسبة لـ 500 حقون البشري مرره قليل - وهذه حقيقة أنا استغربت منها كنت آعتقد أن بنات الأسنان هم الوحيدين اللي دخلوا التخصص برغبتهم لأنها تاخد أعلى مجموع بالنسبة للبنات معاناها انه لما جينا نسجل كانت كل الرغبات والآقسام مفتوحة أمامها ، فما اختارته إلا عن قناعة ! لكن لما سألت الكثير قالوا انهم دخلوا دون رغبه او صدفة ! اولا واخيرا هم استخاروا وربنا اختارلهم الأفضل وغالبا في الخيرة ما نعرف سببها بالبداية ، لكن مع الوقت ربنا يوضحلنا هي وبالنسبة لقلة العدد أنا اشوفها ميزة لنا ان نكون 60 طالبه في الكلاس و الدكاترة يركزوا في تدريسنا بشكل آفضل وخاصة في المعامل لو جينا نقارن حالنا مع حال البشري .. جدا مو حلو ! وتكدس في المكان وأنا شفت الوضع بنفسي وكمان أفضل في التوظيف بعدين ،، الافضليه لقلة العدد في صالحنا وكمستقبل باذن الله طب الأسنان آفضل بدليل ان الكثيرين من طلبة الكليات الاهلية صار توجههم طب الأسنان وصاروا يفتحوا كليات جديدة خاصة بالأسنان والسبب في عدد المقاعد المحدود بالكلية هو احتياج عيادة خاصة لكل طالب خلال فترة دراسته .. فما يقدروا يوفروا لـ 100 عيادة مثلا نظرا لأن تكاليف كرسي العيادة توصل لـ 100 الف ريال للكرسي الواحد غير الادوات والاشياء المستخدمة في الشغل جدا جدا مكلفة - وبالنسبة لحماس طلبة الأسنان فماشالله في كل مكان ، واغلب الحملات الصحية اللي احضرها لابد يكون فيها أسنان بالرغم ان الحملة من تنظيم البشري ، لكن لطبيعة دراستنا الشاملة للطب البشري ايضا عندنا خلفية ولينا احقية نشارك ونعطي ،نساعد والسنه الماضية لما أقيم مؤتمر تيدكس ارابيا في جدة كانوا طالبين متطوعين يشتغلوا كمنظمين للمؤتمر ، وارسلت لهم طلبات وسير ذاتية بالمئات ليتم اختيار عدد معين فقط منهم وكان من ضمن الفريق اللي اختير 5 طلبة أسنان من 30 شخص بالفريق نسبة رائعه واشادوا بيها ادارة المؤتمر - ،الكثير من المبدعين في اليوتيوب والمجموعات التطوعيه من طلبة الأسنان وأفخر بكده الصراحه برغم ضغط الدراسة وشغل العيادات الا اننا قدرنا نثبت نفسنا ونبيّن الجانب الآخر مننا اثبتنا قد ايش طلبة الأسنان موهوبين وحابين لتخصصهم ! اغلب من دخل الأسنان دون رغبة قوية .. بعد ما درس وفهم وعرف حقيقة التخصص حبــــه ويبغى يبدع فيه فلا يقاس حماسكم وانتمائكم لطب الأسنان من الآن ! - معليش طوّلت بالكلام لكن حبيت آوضح دا الشي عن تخصصي الي اعتّز بيه ^ـ^

تصدقين كلمه وحده اوجهها لك انت( قدوه:)) وعظيمه مو اي قدوه
لك ودي