رد: أول يوم دراسي .. تقرير مبسط ( الكل يشارك )
اليوم حسيته قصير مع انه جلست 4 ساعات بالجامعة :p
اول ماجيت استقبلت صحباتي وبعد الهرج والمرج واللفلفة قررنا نروح ع الكلية عند الشؤون
طلعنا للشؤون واتفاجأنا بالكم الهاااائل الموجود .. ماشاء الله كل البنات عندهم مشاكل بالحذف والاضافة
كالعادة ادونا ورقة وكتبنا عليها المواد الي نبيها والي نبي نحذفها .. حطينا الجدول الي سويناه قبل
بس عندي احساس انهم مارح يقدروا يضيفوا كل البنات في الشعب الي يبونها .. لازم يغيروا بالجدول
حسيت من كلامهم انه احتمال يعملوا مجموعات زي السنوات الي فاتت ويخلصوا نفسهم > ان شاء الله اكون مع صحباتي
المهم خلصنا كتابة قالولنا انه شيكوا ع الاودس خلال هالاسبوع قلنا يعني مو اليوم قالت ان شاء الله اذا مداني اضيف كل هالاوراق ! > عرفت من كلامها انه لا تحلموا اليوم او بكرة هههههـ
وقالت متى ماينزلكم الجدول داوموا !
المهم رجعنا وكملنا سوالف وقابلنا صاحباتنا الي تسكنوا بالكليات التانية > مافي الا علوم وادارة :p
اليوم اجمالاً كان حلو .. بس كنت مشتاقة حبتين للجامعه لكن بعد اليوم راااح كلو هههه بعد الحوسات والاصلاحات والزحمة انسدت النفس شوي
طبعاً قررت آخذ اجازة لحد الاربعاء عشان اللقاء التعريفي بالمسرح والي احس انه ماله داعي بس نحضر ونشوف
وبس هذا تقريري المبسط الحلو .. ان شاء الله الي ماراح يكون اخذ فكرة
وصلى الله وسلم ..
|