[قصة غروب]

المشاركة الأصلية كتبت بواسطة دره جده ممكن سؤال .. جاوبوني بصراااحه =(( وانا جايه اسأل ع المختبرات عمووما .. وحده من معارفي تقول ان بنتها تخرجت مختبرات ولها 4 سنين وهي تدور وظيفه وماحصلت وتنصح ان ماادخل دا القسم .. واذا لقت في مستشفيات اهليه ياليت الكل يفيدني ؟؟؟

اختي الغاليه الله يسعدك لو بنجلس نسمع لكلام زي كذاوالله ما بندرس ولا بنعيش ولا بنسوي اي شي.
قالو المختبرات مافيها وظائف قالو الاشعه تسبب سرطان قالو العلاج مادري ايش فيه وقالو وقالو وقالو وف الاخير اللي ف المختبرات توظفو واللي ف الاشعه لهم 50 سنه يشتغلو وماصابهم شي الحمدلله واللي ف العلاج مرتاحين واللي ف التمريض مافي احسن من حياتهم.
اختي الله يسعدك اللحين في مستشفيات كثير بنوها ومدن طبيه كثير تحت الانشاء وما بتتخرجوا الا وانتم لاحقينها هذي كلها مين بيشتغل فيها بالله؟
زي ما انتي لقيتي مثال انو مافي وظائف انا باقولك وهذا شخص اعرفه شخصياوفي طالبه برضوا من عندنا خلصت تدريب ف الهيئه الملكيه ف شهر 8 وف شهر 9 اظن باشرت ف وظيفتها عندهم. طالب ثاني متخرج مختبرات من جامعة تبوك الدفعه اللي راحت واللحين ماشاء الله يقولي كل دفعته توظفو ومافي ولا طالب ما توظف واليوم شفت ف لاب طالب من الدفعه اللي قبلنا والباقيه موزعين.
ماحد يقدر يجزم على الوظيفه ف اي تخصص مهما كان سواء وجودها او عدمها لان هذا رزق ربي كاتبه صح بتقولي نسوي الاسباب.
اقولك الاسباب انك تذاكري وتجتهدي وتنجحي بدرجات عاليه ووقتها ربي مابيضيع تعبك وبتلاقي ثمرة تعبك واجتهادك.
والبنت اللي امها تقول ماحصلت وظيفه ممكن البنت هذي خريجه من كليه صحيه او معهد صحي او وفي وظايف كثير خارج جده هيا ممكن تكون حكمة على جده.
اتمنى اني اكون وضحة الصوره لان اكثر شي نعاني منه الوظائف وكلام الناس ونسينا ان كل شي ربي كاتبه لنا بناخذه.
احنا نجتهد ونذاكر والامور هذي ف علم الغيب وربي يكتبلنا ولكم الخير.
ربي يوفقك ويسعدك