[عبير منشي]

السلام عليكم ..

لو سمحتوا أنا مستجدة . العام كنت سنة تحضيرية في السليمانية وحولت من انتساب لانتظام و انقبلت اليوم بس للأسف في الفيصلية . يعني أول مرة بحياتي اروح جامعة جدة بباص ..

أنا ساكنة في خلف مسجد العمرة أو ما يعرف بمسجد السيدة عائشة اللي عند نادي الوحدة.

ابغى باص أو سيارة يودوني لفرع الفيصلية لكن هل كلهم ما يقلّو عن 1000 ؟ :(
غالي مرة علي هالمبلغ . لكن الله ييسرها لو هذا المطلوب.

الشي التاني انا لسى جدولي ما نزل.. بس لازم اروح السبت عشان اودي أصل الشهادة واستكمل اجراءات تحويلي من انتساب لإنتظام ..هل فيه باص يودي باليوم وبدون اتفاق مسبق ؟ لأني اليوم بس قبلوني فمافي وقت اتفق مع ابو سرهد أو ابو فيصل لازم اروح السبت الصباح .

لو كانت محاضراتي أقصى شي تخلص 2 الظهر معقول استنى لحد 4 و نص عصر عشان اجي مع ابو فيصل ؟!

و نفس الشي ابو سرهد في حال خلصت محاضرات 3 عصر كيف اجي معاه وهو ماعنده رجعة على 4 أو 3 و نص ؟

السؤال الأخير ابو سرهد ياخذ فلوس بالترم والاّ لازم كل شهر ؟ يعني لو ما عندي ألف كل شهر و ابغى اعطيه 3000 دفعة وحدة آخر الترم يصير ؟

الله يوفقها دنيا و آخرة اللي تتحمل كثرة استفساراتي و تفيدني لأني متورطة و مزنوقة جداً فهالموضوع وما عندي وقت .