[أبو فاتن]

المشاركة الأصلية كتبت بواسطة الســــــــــاطع ويش فيكم على الرجل..... رجل عصامي وعرف من اين تأكل الكتف...... وبالنسبة لسالفة رواتب الموظفين السعوديين في الراجحي فهي من اعلى البنوك... اما كلمة زهايمر وغيرها فهذا الكلام لا يجوز اولاَ غيبة للرجل وهو اصلا مو داري عنك.... والشئ الثاني هذا الثروة التي كونها من عرق جبينه... وما لأحد فضل فيها غير الله (( الرجل قائم بأعمال خير كثيرة الله يجزاه خير ))) للمعلومية والله ما لي اي علاقة او صلة فيه من قريب ولا من بعيد..... (((بس لا تنسون ان ثلثي عذاب القبر بسبب الغيبة))))

يعجبني اللي يبحث ويهتم بردودي ويجي يحطها لي بربطة المعلم على باله إنه بيصيد على غلط أو يحاجني فيها ويعجبني بعد أكثر إنه يوم يفعل هالفعل يكون مايدري إني أحسب لهالناس ولهذا الشي ألف حساب مو خوف بس أحب أحرجهم
وقد قالها لي قديماً طيب الذكر أخوي راؤول .. يزيد الشمري ..

بعضهم يتابع مسيرتك بالضوء .. ليتعلم منك الحكمة .. وبعضهم يتتبع خطواتك .. ليسجل عثراتك بالعتمة .. وكلاهما معجب بك .. الأول بحب والثاني بحسد ..

عموماً ماعلينا من هالكلام .. نعود لمحور حديثنا ولمشاركتك الكريمة نفندها ونتكرم بالرد عليها

أولاً مافينا شي على الرجل ولا بيننا وبينه أي شي ولا هو يعنينا شخصياً .. اللي يعنينا فحوى التعليق لأنه يمس فئة من المجتمع عندما يكذب ويتشدق عليهم بالكلام ويستهزء بهم بأن يقتاتوا على دجاجة بـ 6 ريال .. ساديا لديها ذلك أمممممم

أما بخصوص العصامية فأتوقع الله يحفظك إنه عندك سوء فهم في معنى العصامية وماهو حاصل الآن مع أكثر الأسماء الإقتصادية هنا .. فإن كان جهلك عن بعض الأمور وعدم الإطلاع على بعض الخفايا المصرح بها والغير مصرح تظن بأنه سيشفع لك فأنت غلطان .. لذلك يجب عليك الإطلاع والتحري والسؤال عن حقيقة أغلب الأسماء التجارية والمالية وكيفية الحصول على هذا الوضع الإجتماعي والمادي ( إلا من رحم الله ) قبل أن تشن هذا الهجوم

وأما من أين تأكل الكتف فهذا لم نتطرق له لا في الموضوع ولا في الردود كيفما كانت طريقة أكل الكتف وعلى حساب من كانت

وأما أنك تقول أعلى الرواتب في بنك الراجحي فأسمح لي أقولك بأنك غير صادق .. ربما عدم إطلاعك أطاح بك هذه المرة أيضاً فأعلى الرواتب في بنك سامبا والرياض والأهلي هذا عندما نتحدث عن نسبة الراتب وليس عن أعداد الموظفين
وسأضرب لك مثال ليسهل عليك الفهم
في هذه الحضيره 10 دجاجات قيمة كل دجاجة 10 ريال المجموع المادي 100 ريال ومجموع الدجاج 10
وفي هذه الحضيرة 50 دجاجة قيمة كل دجاجة 6 ريال ( مثل حقت الرجال ) المجموع المادي 300 ريال ومجموع الدجاج 50
إذاً أيهما أعلى قيمة لو نزلناها دجاجة دجاجة في سوق الحمام ..! << قريب من حراج بن قاسم

أما سالفة كلمة زهايمر مو أنا اللي قايلها عشان تجي تنشب بحقلي أنا ضحكت على الكلمة كمصطلح مثل ما أنا أضحك الآن على كلمتك يوم تقول ( ما درى عنك ) يعني أنا اللي دريت عنك وعنه ..!

أما سالفة أعمال الخير فهذي بينه وبين ربه مالنا فيها ولا جبنا طاريها لأن الله أعلم بالنيات وهو اللي بيحاسب عنها بس أعتقد بعد إنه فيه مثل هالأشياء في البروتوكول الدولي مع إختلاف المسميات والديانات والنوايا يعني مثل أكثر المشاهير بالعالم سواء يهود أو نصارى يقومون بأعمال خيرية من جعيات خيرية وتبرعات وغيرها ..

وأما عن تبريرك بأنه ماتربطك به علاقة أو صلة فهذا الشي عادي ما أحد جاب طريك بشي ولا أحد أتهمك عشان تحلف وتبرر هي وجهة نظرك وطرحتها وها أنا أتقبلها وأرد عليها وبعدين حتى لو كانت تربطك به علاقة أو صلة فما هو جانب إهتمامي في هالقرابة أو الصلة أصلاً ..!؟
صدقني حتى لو كنت الراجحي بنفسه ماتفرق معي كلمتي بحطها بين عيونك .. لاتزعل من هالكلمة لأنك لست الراجحي
ولكن بما إنك أخ وعضو عزيز بقولك كلمتي راح تشوفها وتقرأها مثل ما أنت تشوفها وتقرأها الحين



عموماً أعد قراءة الموضوع بارك الله فيك مرة أخرى لعلك تستفيد وتترك عنك هذه الحده في الردود بدون وجه حق