[النديم]

الاخ الفاضل نجم الرياض

هدي نفسك و لا ترفع ضغطك ....

اذا انت الان في مستوى خامس وتشتكي من الجامعة وبعض الاشياء اللي خلتك تكتب هالموضوع

فيه غيرك تخرج من الجامعة و غيرك في مستويات متوسطة و فيه غيرك في بداية الدراسة الجامعية الان

والكل مر بتجربة و عاش احد او اكثر من المشاكل اللي تفضلت بها ...

بس بوضح نقطة مهمة لكن هذا مو معناة ان كلامك خطأ كلامك صحيح و الجميع يقر بذلك لكن ....

لا تحطم آمال ناس راسمة املها بتخرجها من الجامعة ممكن بموضوعك تخلي احد الطلاب او الطالبات يترك الجامعة

طبعا مو عشان قرأ موضوعك بيكون عنده بوادر ترك الجامعة ويقرأ موضوعك ويتركها ...

والكلام اللي ذكرته اخي نجم يكون في معلومك موجود في جميع جامعات العالم حتى في الدول اللي نقول عنها متقدمة

عنجهية بعض الدكاترة يرسبك لوجود خلاف بينك وبينه يحرمك وحصلت لكثير طلاب فلا تتوقع الواقع اللي قاعد

تشوفه هنا جامعة الملك عبدالعزيز هي المنفردة فيه ...

وعشان ما يجي احد ويقول لا تقارنا بالجامعات العالمية بقوله طيب تعال للجامعات السعودية

نفس المشاكل اللي ذكرتها موجودة في كل الجامعات السعودية بدون استثناء واقدر اثبت لك كلامي

جامعة الملك سعود وكلنا نعرف ان الدراسة فيها اصعب من جامعتنا و جامعة الملك فهد و جامعة الملك فيصل

كلها لو تدخل منتدياتهم بتلقى بعض الطلاب و الطالبات يجأرون من ظلم دكتور أو عشوائية رصد درجات

او وضع أسئلة من بين السطور ....

اخي نجم الواجب مني و منك و من الجميع التعامل مع المشكلة و ليس الإقرار بوجود مشكلة

الوضع احنا عايشينة وليس بيدي و لا يدك ولا يد اي واحد إقالة الدكاترة بالجامعة و مدير الجامعة و العاملين بها

وليس هناك من يستطيع ذلك لأنه ببساطة لو اقالوا الدكاترة سكرت الجامعة أو بيكون فيه نقص كبير في الدكاترة

وش الحل وقتها ؟؟؟ نروح نجيب دكاترة من برى يدرسونا !! ولا نختار نخبة الدكاترة ونضعهم في جامعة واحدة

ونترك الجامعات الاخرى مغقلة وش الحل ؟؟؟؟

إذا انت شايف ان مستوى تخرج الطلاب و الطالبات من الجامعة ضعيف كان معاك حق و قتها لكن فيه

طلاب وطالبات تخرجوا وبإمتياز و معدلات مرتفعه مع العلم انهم درسوا مع نفس الدكاترة اللي أنا و أنت وغيرنا

نشتكي منهم .....

يا صديقي نجم حلاوة النجاح ليس بسهوله الحصول عليه و كل ما زادت صعوباته زادت حلاوته

وإذا أنت الله سبحانه وتعالى أعانك و يسر لك الخير و سجلت بالجامعة وقدرت تدفع الرسوم و التكاليف

والسفر فيه غيرنا و أنا أخوك قاعد يحذف ترم ورى الثاني لأنه مو لاقي حق الترم و إن لقاه ما لقى حق السفر

وكثير و أحوال الناس أو بعض الناس مبكية وانا اخوك ,,,


فنصيحتي لي أولا و لك ثانياً وللجميع ثالثاً إحتسبوا وصابروا وتأكدوا بأن


الله لا يضيع أجر من أحسن عملا

وأسأل الله لي ولك للجميع السداد و التوفيق