[فتى الحصاه]

ههههههه الله يعينك ضايق صدرك وملحوس من الحين اجل اذا قربت الاختبارات وش بتسوي.
على العموم وانا أخوك الماده سهله ويبيلها تركيز وحفظ وانا أخذتها الترم الماضي وجبت فيها درجه ممتازه والاسئله صح وخطاء واختيارات متعدده والسؤال الاول مقالي صفحه كامله واظن عليه 30 درجه وهو مثلا عرف وعدد وهكذا والسؤال اللي جانا عن تعريف القدرات واشرح النظريات لقياس القدرات .
وركز على أسماء العلماء وكل شي وفيه ملخص هاني عرب وهي ملخصين فيه واحد قديم وفيه الثاني ملخص الدكتور الشعيبي لانه كل ترم يحوسون فيها ولكن تأكد من المفردات لهذا الترم وفيه ملخص نزل الترم الماضي على شكل عرض شرائح للدكتور كاسر ومعه أسئله شامله يعني لو تحفظ الاسئله وتختبر تنجح باأذن الله من غير السؤال المقالي وهذا عندي في الجهاز وحاولت أضيفها مع الموضوع ولكن مو راضي ماأدري ليش .
ويله شد حيلك وتغلب على السلوك الانساني في المنظمات على قولتك