[عفاف الذبياني]

الغلا 2006
اليوم رحت للجامعة وقدمت الاستمارة والاوراق المطلوبة وصورتين من نتيجتي في التوفل اللي هيا 391
ولااعطوني افادة او شهادة لاني ماوصلت 400 وقالوا مسموح لي فقط لمره واحده استخدم هذه الدرجة لاني مااخذت افاده والافادة تستمر معك سنتين فلو لاقدر الله مانجحت في اختبار القسم لازم عليا اختبر توفل مره ثانيه :(ورئيسة القسم خبرتني ان اختبار القسم من 60 درجة ويقبلوا اعلى معدلات دخلت الامتحان واعلى درجات في الامتحان يعني انتي وحضك من يجي معاكي في الامتحان لانهم يختاروا عشرة طالبات فقط حتى لو جبتي علامة كويسة يبقى المعدل ويبقى مستوى الطالبات اللي دخلوا معاكي الامتحان هوما النقطتين اللي بيحددوا مصيرك وبالنسبة للكتب سالت استاذه النظريات واستاذة النصوص ولسا باقي استاذه مناهج بحث اللي هيا هيفاء كبرى مالقيتها بكره اروح لها وبعد كذا اعلمكم ايش الكتب اللي تتذاكر وايش المهم فيها لاني حشتريها وارجع ثاني لاستاذة النظريات تحددلي وأأشر معاها على الفهرس لانو اليوم قالتلي ولا معي الكتابين ,, ادعولي يابنات الله يوفقكم مره مضغوطة وخايفة ماانجح وارجع لدوووووووامة التوفل او اضطر اكتب تعهد وادخل دورة واتعب فيها واذاكر انجليزي ثاني وانا كل اللي بقيلي 9 درجات هذا غير انو ضغط على الطالبة لمما تدرس ماستر وتاخذ دورة يااااااااااااااااااارب بس قولوا يارب اوافيكم قريبا بالمعلومات الاخرى