[فراشه شماليه]

ms</font></font>"]t><font>4</font></font>"]السلام عليكم ورحمة الله وبركاته

مشكوورة ياعسل على الموضوع ..وبسم الله ابدأ..
انا اخذت الترم ذا 5 مواد..
1/ عقيدة اسلامية 1 مع د/ محمد الحلواني الله يجزاه خير يارب صحيح انه في الشرح ينقز بين الصفحات لكن شرحه حلو ومتعاون وكل ربع ساعه تقريبا يعطينا راحه ويفتح المجال لطرح الأسئلة وفي آخر محاضرة راجع معانا واعطانا اسئلة وحلها معانا وجانا كثير من نفس الأسئلة في الإختبار..والحمد لله الدرجات مرضية..

2/ علوم حديث ودراسة اسانيد مع د/مريم السباعي ..ذي الآدميه عسل وذوق بشكل يفوق الوصف حتى داخلة في الواتس ولو تسأليها في اي وقت سواء برسالة او اتصال تجاوبك وماتتذمر ..اما المحاضرات معاها شيء متعه سوالف وقصص وتحببك في المادة عن جد وتسهلها في عينك حتى لو كانت صعبه..لكن!!!في الإختبار جابت لنا 37 سؤال فقط ومنها سؤال مقالي حطت لنا سؤالين وقالت اختاري واحد منهم وكانت جدا واضحة الإثنين وسهلة لكن الحمد لله جبنا درجات مرضية ونجحنا..

3/ ثقافة اسلامية 4 اخذتها مع الأستاذة امل العناني حضرت معاها اول محاضرتين بس كانت شرحها حلو وواضح لكن وقت المحاضرة كان بعد العشاء والوقت مو مناسب لي ابدا وهي قالت لنا ان كل الكتاب معاكم لأن الأسئلة موحده فسحبت على المحاضرات لأن الكتاب واضح اصلا..
لكن الطااااااااااااااااااامه ان البنات اللي اخذوا مع د/ مريم السباعي اشرت وحذفت لهم واحنا بنات الشعب الثانية ماصدقنا وتناقلنا التأشير وجاتنا كثير اسئلة من المحذوف وهذا كان درس ليه غني معد امشي ورا اي شيء محذوف لكن الحمدلله عدينا والمادة والدرجه مقبولة ..

4/فقة العبادات1 مع د/منيرة المريطب ..الله يوفقها وسعدها هذي الإنسانه مرة تنحب وشرحها شيء يفوق الوصف رائع بمعنى الكلمة وقت الشرح قفلي الكتاب وخليك معاها وافهمي اهم شيء اللي تقوله واكتبي معاها وذاكري اللي كتبتيه تجيبي 100 في الإختبار واسئلتها مرة واضحه وحلوة جابت لنا 53 سؤال كلها اختياري..

5/اصول الفقة1 وما اداك ما اصول الفقة هذي المادة حست فيها وتعبت بشكل لكن الحمدلله اخذتها مع سامية بخاري وفعلا استغرب من اللي يمدحوها انا مرة ماحبيتها سبحان الله اسلوبها جاف وتعاملها سيء ماتعطينا ابدا مجال للأسئلة حتى الشات تقفله على البنات وفوق ذا لو تسألي تجلس تخاصم وتقول المنهج طويل انا ابغى امشي فيه ماعندي وقت اجاوب على اسئلتكم حضرت معاها كذا محاضرة وبعدين وقفت ورجعت على المحاضرات المسجلة في موقع العمادة اسلوبها في المسجلة مرة غير هاديه وشرحها اصلا عبارة عن قرائة للشرايح اللي تنزلها ..كتبت كل الشرايح وسويت رسومات بيانيه عشان اسهل على نفسي والحمدلله نجحت لكن الدرجه مش ولابد حتى في الجامعة بعد الإختبار قابلتها ورجت بسألها سؤال والله ما وقفت تكلمني او تطالع فيني تبغاني امشي وراها واكلمها وتجاوبني وهي معطيتني ظهرها ..عشان كذا حلفت معد آخذ معاها اي مادة نهائيا واي وحدة تسألني انصحها تبتعد عنها ..طبعا الأسئلة 5 مقالي والباقي موضوعي ..

الأستاذات اللي اعتمدتهم عندي ..مريم السبعي ، منيرة المريطب ، نوال باسعد ، محمد الحلواني

وبس ..

دراية اني طولتها مرة لكن حبيت اوضح كل اللي عندي ..واسأل الله ان يوفق الجميع ويرزقنا الدرجات العالية في الدنيا والآخرة.. [/font]