[miely]

المشاركة الأصلية كتبت بواسطة عطر المساء مساء الخير عالجميع .. انا مشكلتي باقي ما انحلت كل مافتحت السنترا تطلع لي هالرسالة .. لست مسجل لأي جلسـة ..!! وش الحل راح الوقت والمحاضرات راحت .. والسؤال الحين يحسبوني غياب والا يمديني احضر اول ماتنحل المشكلة ..؟؟ اتمنى التوضح وبالتوفيق يارب للجميع

اختي لانو انا نفس مشكلتك نسختلك ردي في موضوع تاني كنت اتكلم عن نفس مششكلتك يمكن تستفيدي شي

اهلا بكل الحلوات اللي ردو فالموضوع "$

للاسف كلنا نفس المشكله
انا عني رحت امس الجامعه وقلت لها عني وعنكم قالت نزلنا مجموعه من جداول التعليم عن بعد اليوم
ومجموعه نشتغل عليها حننزلها بكرا

طلبتني اديها رقمي الجامعي وشوي قالت خلاص نزلتو لك

سالتها طيب والمحاضرات اللي فاتتني من السبت !
قالت محاضراتك بس الاحد والاثنين وتقدري تروحي اليوم وتحضري نفسك لانو لسه مامر عليها 3 ايام
قلت لها اوكي طيب واللي كان عندهم حاضرات السبت ومر عليها 3 ايام هل يحسب غياب ؟

قالت ماتوقع بس شوفو لو حسبو لكم غياب تعالو هنا وخذو ورقه تثبت انو جدولكم مانزل في وقت المحاضرات وراح يشيلو لكم الغياب

قلت اوكي ورجعت البيت فرحانه بجدولي بس ي فرحه م تمت خخخخ

كان عندي محاضره امس العصر ودخلت السنترا قبلها بربع ساعه ولا لقيت ولاششي
واستنيت للمن 5 وخلص وقت المحاضره وانا مانزل لي شي :|

كاتبين انت لست مسجل في اي جلسات عمل !!

ومالقيت المحاضرات اللي راحت ولا الحاليه ولاشي :(


دحين اخدت رقم المختصين بمشاكل السنترا في جامعتنا واتصلت على رقم الجامعه
026400000


تحويله
66588

ورد علي سوداني الله يجزاه خير :$
اديتو رقمي الجامعي وشيك قال ماعندك مشكله ووضعك سليم بس فعلا المحاضرات مش نازله لك
قلت ايوا طيب اش اسوي ؟
قال دقي بعد ربع ساعه
قلت اوكي وقفلت ورجعت دقيت بعد ربع ساعه ومحد يرد :")
سحب علي الزول خخخ

^ لحظه رد السوداني قال لي انو المحاضرات فاتتك لانو ماسوو لك اكتف يعني تفعيل الا امس بس من الاسبوع الجاي محاضراتك الجايه حتنزل ان شاء الله ولو مانزلت دقي علي عشان اضيف لك
وبرضو لو نزلت دقي علي عشان اضيف لك المحاضرات اللي فاتت



^
شرحت بالتفصيل للافاده لانو كتير نفس مشكلتي ويمكن يستفيدو


بالتوفيق للجميع

ومرت سنه وانا انتظر والسنترا باقي م فتح "$