[ابو فراس المدني]

المشاركة الأصلية كتبت بواسطة أم ليال أبو فراس ماسالت نفسك ليس البعض مابيسجل بياناته كامله ، معناته فيه تخوف بالموضوع وانا اول وحده متخوفه احط رقمي الجامعي لان كما بلغنا كثرة الارشادات حول خطورة الافصاح عن الرقم الجامعي اما بالنسبة عن الاسم مافيه اي مشاكل ياريت ترد علي اذا ينفع اسجل بدون الرقم الجامعي ولا لا لاني اكثر وحدة متحمسة لموضوعك ومن البداية ولا تفهمني خطأ ياخوي ، المساله مو تخوين او عدم ثقة كل مافي ذلك مجرد حرص لا اكثر وانت ماقصرت معانا من البدايه ويعطيك الف عافيه وتوجر بالخير باذن الله

مرحبا أم ليال
موضوعك بصراحه زعلني وضحكني

أما عن زعلي لأنك مافكرتي ايش الفايده بالرقم والإسم انا اساسا كانت فكرتي كمان اضيف رقم السجل المدني لأكثر مصداقيه وقوه المعروض ولكن لغيته لأني خفت من هذه الناحيه أو من هذا التفكير.
اما فيما يخص كلامك انه البعض بيسجل اسمه مو كامل وانا بأحرص انه يسجلوه كامل لأنه هذا المعروض إنتي عارفه لمين رايح ومين حيرسلوا يعني المحاسبه على اللي رايح يرسله .
هذه من ناحيه ومن ناحيه أخرى
والله ثم والله العظيم اني انا ان شاء الله كلها ترمين أو ثلاثه وحأتخرج وأنا عارف مواضيع زي هذه ماراح يبت فيها الا بالقليل سته شهور أو أكثر , يعني عارف نفسي ماراح استفيد لكن هو موضوع وفكره كانت في بالي وكنت على أمل انه المنتدى يتكفل فيها ولكن للأسف ماصار اللي في بالي فصار الموضوع في وجهي يعني انا اللي لازم انهيه .
ثم ماابغى أقول انا اتكلفت وصرفت عشان هذا الموقع وكم دفعت لأني ماسويت هذا الشي الا اني ابغى احتسب الاجر عند الله .

ثم انا عندي فكره ثانيه ويالييت الكل يرضى فيها , ياريت ادارة المنتدى ترشح أحد من عندها تثق فيه وهو اللي يتولى هذا المهمه وأنا أعطيه التفاصيل كلها لأني والله تعبت منها وأخذت كل وقتي لاني من المفروض اني أجلس مع عيالي واهلي بدل ماانا جالس 24 ساعه على الشاشه بأتابع المنتدى امكن فيه استفسار او احد عنده مشكله .

وسامحوني على الاطاله .

وياليت هذه المره ادارة المنتدى فعلا تنظر في الموضوع