منتديات سكاو - عرض مشاركة واحدة - اللي رحل مليون واحد بديله... |*بقلمي ..

الدُنيا مدرسة · #1 26-02-2013, 01:46 AM

* مدخــل ,,

فقدتني أكثر من إني أفقدكك..
الله معك لكن أنا كيف بلقاي ؟
أكبر خطا يوم الغلا صار في يدك..
وأكبر همومي كيف أكفِّر خطاياي!

ذكرى.. وألم.. وأشياء تطري على البال..
...... غصة.. ندم.. كتمان.. غيبة طويلة..

م أبكي ولا أشكي لغير الله الحال..
...... غايب ويمكن رجعته مستحيله..

عودني بقربه.. وغرقني وصال..
...... أيام لو ماهي كفايه طويلة..

تبدلت بإهمال.. وإهمال.. وإهمال..
...... لاهو يجيني اليوم.. ولاني أجيله..

غالي ولا أسمع فيه من حكي عذال..
...... وإن كانه لي صار ذكرى جميله..

اسم الصداقة في حياتي له إجلال..
...... وكل الخطا مجبور أسكت وأشيله..

في خاطري ماعاد به شيء ينقال..
...... مادامت النية بياض وأصيلة..

قهويتني فنجال.. بأرد فنجال..
...... وقلطتني بيت الجفاء ولك مقيله..

وسلامتك يانفس من طاري إذلال..
...... اللي رحل مليون واحد بديله..

الله معاه.. ولا نقص بعده الحال..
...... من ما كسبته م أخسره في رحيله..

مخرج *
نحتاج للكتمان أكثر من البوح..
لو إن ف التعبير للنفس راحه..
لكن مدام الروح ماتفهم الروح..
ف القلب للكتمان أكبر مساحه!

* بِ قلمــي ,,