منتديات سكاو - عرض مشاركة واحدة

HU~ · 15-03-2013, 09:08 PM

وعليكم السلام ورحمة الله وبركاته
فكرته بسيطة جداً ، حأشرحلك مثال بسيط ويارب تفهمي :
مثلا مجموعة من العلماء أو الخبراء أو أياً كان ،
يبغوا يجرّبوا أنواع معينة من الدايت على عينة ،
فكان في 3 أنواع من الدايت أول نوع دايت لحوم ،
تاني نوع دايت خضروات، تالت نوع دايت لحوم+خضار ،
و قسمّوا العينة ل3 أقسام و كل واحد أخد نوع من الدايت ،
بعد فترة قاسوا نسبة الكلسترول في الدم
عشان يشوفوا في أية نوع من الدايت أرتفع فيها الكلسترول أو أنخفض!

المتغير المستقل اللي هو Indepented
دايماً يكون شيء نقدر أو *يقدروا العلماء أو أياً كانوا* يتحكمّوا فيه
بالكيفية اللي يبغوه لذا الجواب حيكون the types of the diet !

المتغير التابع depented هو الشيء اللي يتأثر بالمتغير المستقل
و مانقدر نتحكم فيه مباشرة إلا بوجود عوامل *المتغيرات المستقلة*
إذاً ايش هو المتغير التابع من السؤال؟ الجواب نسبة الكلسترول في الدم!
-أرتفع أو انخفض بعد إستخدام أنواع من الدايتز المحددة- بدون تدخل مباشر!

و أي سؤال أنا حاضرة نقرتين لعرض الصورة في صفحة مستقلة