 أول شي أمسيك بالخير ..
بخصوص كلامك هذا يخوي أسمحلي أختلف معك فيه تماما أكثر الشركات اللي هنا الحين يهتموا بالاعتماد الخارجي لأن البزنس كله مع العالم الخارجي وفي وفود من شركات خارجيه وزي كذا فيبغوا ناس يفتخروا فيهم الا اذا انتوا تتكلموا عالشركات اللي على قد الحال فممكن ..
من ناحية اعتماد الجامعه فلعلمك دفع قبلنا أتخرجوا ولا أتوظفوا لسبب أن جامعتنا مهي معتمده خارجيا ودراستها بالعربي وأمور زي كذا الحين الحمدلله أنقلش واعتماد امريكي والبريطاني ممكن يرجع فأتطورنا تطور كبير والحمدلله أحنا أول دفعه محظوظه بصراحه ..
لعلمك أول ما يجي الجامعه أعتماد أو يتطور تعليمها الشركات تفتح عيونها على طلابها وتحاول تكسبهم والعكس بالعكس فكل الفايده مو لاسم جامعة الملك عبدالعزيز بس الفايده الحقيقيه لطلاب جامعة الملك عبدالعزيز ..
من ناحية التجارب والخبرات قلتلك هذا تهتم فيه الشركات اللي تمشي الحال أما لو أتكلمنا عالشركات المحترمه واللي لها وزنها صدقني تدخلها بعد توفيق الله بشهادتك وروح بنفسك وشوف فرق الرواتب والمكانه للموظف بين الشركات اللي توظف كل من هب ودب وبين الشركات اللي تهتم بالمؤهل الأكاديمي المعتمد ..
عالعموم أحترم رأيك وطرحت رأيي أتمنى ما أزعجكم أبد .. موفقين .. فمان الله
|
حبيبي القطاع الخاص يبغا فلوس
اذا انته تعرف تجيب لهم فلوس يبغوك لو ما معاك الا ابتدائي
واكبر دليل سليمان الراجحي أمي والشركات تدور عليه يتمنو يمسك مجلس الادارة
بالنسبة للرواتب
الشركات تديك على قد شغلك مو زي الحكومة الراتب حسب المؤهل والخدمة
واعرف واحد معاه ثانوي كان شغال ب 3000 جلس سنتين وقدم استقالة صاحب العمل قال يعطيك 6 ورفض اشتغل في مكان ثاني براتب 10000 جلس عندهم ممكن 5 سنوات وقدم استقالة واشتغل في مكان ثاني ب 17 الف من اربع سنوات تقريبا و الى الآن الحين راتبه 25 الف عمره اقل من 35 سنة والأمثلة كثيرررر
الشيء الثاني الشركات ممكن تديك حسب الجنسية
فيه اثنين هنود شغالين في شركة لتحلية المياه كلهم مهندسين ونفس المؤهلات ونفس كل شيء
الفرق ان واحد منهم عنده جنسية بريطانية فصارت الشركة تهايط فيه انه عندنا مدير بريطاني
اللي معاه الجنسية راتبه 120 الف
والثاني راتبه 30 الف
القطاع الخاص راتبك حسب شغلك وجنسيتك
الشغل عشان تجيب لهم فلوس وتمشي الشغل
الجنسية عشان الهياط