السلام عليكم
اخي الكريم ... من واقع تجربتي في فرق كبير مراااا بين الانتساب والتعليم عن بعد ..
1. المنهج اللي حتدرسة منهج الايمس فقط . طبعا منهج الايمس اقل بكثير من الكتاب وحديك روابط وشيك بنفسك ... ونصيحة اطبعو وريح راسك من الكتاب لانو اصلا الاساتذة حيشرحون منو ماتحتاج للكتاب .
http://www.skaau.com/vb/showthread.php?t=650002
2. تتواصل مع الاستاذة مرا كل اسبوع هي محاضرة وحدة فقط في الاسبوع طبعا عندك بريد ايمس او ايميلهم او فونهم ارسل لهم اي استفسار وحيجابون عنك .
3. اي شي يسير معاك ومايعجبك ع طول ارسل شكوى لدعم التعليم عن بعد وحتشوف تغير في الدكتور ثاني محاضرة ( مجربتها )
4. بصراحة التعليم عن بعد مرا دلع عن الانتساب . مراجعات تناقش شي مو فاهمة غصب عنهم يفهمونك صح في استاذات غثيثات بس ع الاقل تعرف طريقة الاختبار قبل ماتدخلو .
5. الاختبار مقالي .. حتكتب بيدك اصلا تخصص اللغات الاوربية اختباراتهم مقالي.
6. جدولك معاك بس شهر تصلحو وبعدين يقفل الحذف والاضافة لانو حتتعامل معاملة الانتظام .
7. وبخصوص استخدام النت عندك السنترا والايميس بس السنترا تحضر فيها محاضراتك اون لاين او مسجلة . الايمس هذا اللي فية 30 درجة واجبات + منتديات + اختباراتك . لك في الترم 4 واجبات بس بعض الاستاذة يدونك واجبات كثيرة ممكن توصل لحد 6 عشان لو فاتك اي واجب لاي سبب تعوض ولها وقت محدد مثلا من يومين لحد 4 ايام . الاختبارات بس 2 ولها وقت محدد الاختبار مدتة 24 ساعة بس انتبه لو فتحت الاختبار ماتقدر ترجع تفتحو ثاني وفي بعضهم يدونك اختبار تعويضي . والمنتديات لك 2 منتدى تكتب فيهم ع حسب ماايطلب منكم الاستاذ وعادي لو تكتبها اخر الترم .
عشان كذا انا حولت من انتساب لتعليم عن بعد .... الترم دا اول ترم ليا ونصيحة لك اذا انت موظف..
1. حل واجباتك اول باول .
2. سوى قروب ع الواتس مع زملائك يسهل لك كل شي اذا في اختبار واحد يضحي يدخل ويصور الاسئلة ويرسلها لكم وبكذا الكل ياخذ الدرجة الكاملة . ( زملائك حتعرفهم عن طريق لما ترسل مسج عن طريق الايمس انو مسوي قروب والكل وقتها حيرسل رقمه وضيف ع الواتس )
3. اذا قفل اختبارك اتصل ع الدعم يرجعوة لك واذا مارجع نهاية الترم يرجعون لك كل شي فاتك .
4. بخصوص المحاضرات تبداء من 4 العصر واذا فاتك اي حضور محاضرة تقدر تحضرها اي وقت وتسجل حضورك . طبعا كل يوم سبت حيتحدث سجل حضورك وغيابك . بس تقدر تحضر اي كلاس معاك طول الترم .
5. اكتب في المنتديات اول باول عشان ماتسنى .
ويارب اكون افدتك .. اما بخصوص الاعتماد ماحقدر افيدك ... بس ان شاء الله خير ..