رد: ايش ذنبي !!!
من كثر ما انفعلت رديت قبل ما اقرى كل الردود
حبيبتي حلمك هذا عارفة يعني ايه حلمك عارفة يعني ايه دراستك طموحك رغبتك في الحياة
كلها تتخلي عنها عشان أخوكِ !!!! ليه ؟؟؟ وين شخصيتك ؟؟؟ مين حيدرس ؟ مين حيعيش
انتي ولا هوا ؟؟؟؟ سؤال بس واحد قوليلي حينفعك بكررا اذا درستي تخصص ماتحبيه وفشلتي
فيه بعد الشر عنك طبعاً ؟ قوليلي حيجي يساعدك ؟؟؟؟؟؟؟
اجيب لك اقرب مثال اختي على أيامها قبل اكثر من عشرة سنوات كانوا رافضين اهلي انها تدخل
الجامعة بكبرها !!!! تخيلي ماشاءء الله نسبتها من اجمل مايكون وامي واهلها يقولوا لاااا تدخلي
"كلية" زيك زي أي بنت في العيلة وتصيري مدرسة بعدين .... اوكي الشغلة مو عيب انك تصيري
مدرسة لكن المبدأ نفسه غلط تلقف نفسك في حياة انسانة وتوقف ف طريقها وتختارلها اللي انت
تبغاه .... طبعاً أختي سوت اللي ف راسها ودخلت الجامعة ودخلت تخصص صيدلة
وحطتهم قدام الأمر والواقع في البداية رفضوا واختلاط ما اختلاط بس الحمدلله اختي اثبتت
نفسها انها قدها وقدود واليوم ماشاء الله الحمدلله متخرجة وتشتغل في مستشفى كبير وخالي بنفسه يجيهايصرف دوا لولده ولا احد يقدر يقول شي !!!! يعني شفتي كيف ؟ امس رافضين
واليوم يستفيدوا منها :)
بس اللي ابغى اقوله لك لا تحرمي نفسك من شي تحبيه اوقفي فوجههم بكل ما اؤتيتي من قوة
لا تستغني عن حلمك حرااااام .. يمكن بكرا اخوكِ يتزوج ويجيب بنت وعلى هذيك الايام يتغير تفكير المجتمع وبنته تدخل تخصص صحي ويفرح بيها وطبعاً مارح يفكر فيكي اللي حرمك
من طموحك انتي الوحيدة اللي حتعيشي بحسرة وندم انك استسلمتي لهم يتصرفوا في حياتك
مافي شي اسمه يفصلك ايش يا امي الدنيا فلتانة !! يروح الجامعة يقول اختي دخلت تخصص
ما ابغاه افصلوها !!! لعب هوا ..!! حبيبتي ادخلي اللي تبغيه وربنا معاكِ وانتي ادعيلو ربي
يهديه ... ومرة ثانية اقلك لا تستسلمي لا تستسلمي لا تستسلمي
الله يكتب لك الخيــر ويهدي بنات وشباب المسلمين ....
|