أدخلي إنتساب ، إذا الحال سمح وشديتي حيلك
بيقبلوك إنتظام وما تتأخري وقتها سنة كآملة وتعيدي التحصيلي
صح مافي مكافآت وحتدفعي فيها بس عادي أهم شي ما أتأخر
بدأ التسجيل واقرأي من هنا قد يفيدك
موقع التسجيل
http://admissions.kau.edu.sa/index.asp
|
^^
في حالة بتطبقي خياره ،
في اشياء لازم تعرفيها قبل لا تدخليها وتكوني على علم بكل شيئ :
* عشان تحولي لانتظام لازم معدلك 4.75 وفوق ،
* لو حولتي لانتظام بتتحولي لفرع الفيصلية كلية الاداب فقط ( لغة انجليزية ، دراسات اسلامية ، عربي ، تاريخ ، جغرافيا )
مو متاح التحويل لكليات ثانية لا علمية ولا غيره ولا حتى للفرع الثاني ،،
نادر مايحصل التحويل الا لو بواسطة ،
* لو تحولتي مابتحولي من الترم الاول وانما عالترم الثاني ،
يعني .. بتدرسي التحضيري كامل + اول ترم في التخصص بعد كذا اذا معدلك يسمح لك تتحولي بتحولي ،
وهي نفس المدة اعتقد لو جلستيها تستعدي للقدرات والتحصيلي بس الفرق انك هنا بتدرسي اي كلية تبيها بدون عناء ،، مو انك تنحصري في الاداب ،
...
حبيت اوضح لك كل شيئ وكل جوانب الموضوع عشان تعرفي تقرري ،
موفقه : )