[Lujain :)]

-



وعليكم السلام ورحمة الله وبركاته

انا صراحه توقعاتي اجيب الموزون حقي 81 او 82 فهل فيه امل انقبل انتظام علمي مو لازم ف السليمانيه في اي فرع ماعدا خليص والكامل ؟؟؟؟؟؟؟

يب تنقبلي بالشرفية إن شاء الله =)

كيف انطباعكم عن التحضيري المواد والاساتذة وهل هي متعبه زي 3 ثانوي لان مرررررررا تعب 3 ثانوي ؟؟؟؟؟؟؟؟

للأسف متعبة ..

انا احب احفظ اكثر من الفهم يعني ميولي ادبيه بس رغم كذا سويت عناد ودخلت علمي ع اساس ادخل طب بس بعد 3 سدت نفسي تنصحوني اكمل مسار علمي ولا ادبي ؟؟؟؟؟؟
دا السؤآل إنتي تجاوبي عليه =) بعد كم سنة ايش تحبي تشوفي نفسك !

تخصص تربيه خاصه مسار اداري ولا علمي ؟؟؟؟؟؟
إداري ..

فيه ناس نسبتهم اقل من 80 وانقبلو انتظام ف الشرفيه ؟؟؟؟؟
لا .. ممكن بس بالواسطة ;) , بس ترا يختلف من دفعة لدفعة وانا بتكلم عن دفعتي =)

الموزون بس شهاده ثالث ثانوي اللي هيا الثانويه العامه مع قدرات وتحصيلي صح ولا لازم مع ثاني ؟؟؟
مع سنة ثاني .. أتوقع يكون بالشهادة المعدل التراكمي ( ثاني وثالث مع بعض )

من فين استلم الشهاده اللي فيها المعدل التراكمي من الوزارة ولا من المدرسه ؟
المدرسة


الجدول كيف ينزل ؟
من أول ماتروحي تستلمي البطاقة واسمك يدخل للنظام ينزل جدولك ..

ومتى نداوم ؟؟
مع المدارس بالضبط ..

أتوقع ملتقى المنتظمين حيفيدك أكثر من هنا
بالتوفيق ولا تشيلي هم سهاله إن شاء الله =)