[als3udi]

أغلب تخصصات الماجستير في جامعاتنا تطلب الاختبارين
1 القدرات للجامعيين
2 اختبار كفايات اللغة الإنجليزية STEP أو بديله التوفل أو الآيلتس

وبعض التخصصات لا تطلب إلا اختبار القدرات للجامعيين
لكن أفضل شيء إنك تختبر الاختبارين عشان ما تجي شروط جديدة خصوصاً إنه أنت خريج لغة إنجليزية فسهل الاختبار بإذن الله
بعطيك أمثلة عن بعض تخصصات الماجستير في جامعاتنا وطبعاً تقبل تخصصنا الإنجليزي لإكمال الماجستير سواء نفس الانجليزي او أي تخصص آخر
جامعة الملك عبدالعزيز تطلب اختبار القدرات الجامعيين في كل التخصصات سواء عام أو خاص (مدفوع التكاليف) وتطلب 400 توفل أو ما يعادله مثل الستيب 52 درجة أو الآيلتس 3.5
إلا إذا بتكمل ماجستير تخصص اللغة الإنجليزية فهم يطلبون 500 توفل يعني 83 وأعلى في الستيب و5 في الآيلتس،، طبعاً كل ما جبت درجة أعلى في القدرات كان أفضل لك لو عدد المتقدمين كثير ينفعك في المفاضلة
وهذا رابط لتخصصات الماجستير والدكتوراه جامعة الملك عبدالعزيز
http://graduatestudies.kau.edu.sa/co...g=AR&cid=98743

جامعة الملك سعود بالرياض في تخصصات مطلوب قدرات الجامعيين 70 وبعضها 75 بدون اختبار كفايات انجليزيه أو توفل وغيره
إلا تخصص اللغة الإنجليزية لازم آيلتس 6.5 مدري على أيش !!؟؟ وبرضو تخصص الإعلام طالب 75 في اختبار ستيب
والغريب إنه السنة الماضية ما عندهم ماجستير لغة إنجليزية ناس تقول نقص في الكادر التعليمي ولا ندري وش الصحيح
وهذا رابط يوضح لك أكثر بالنسبة للماجستير العام
http://ksu.edu.sa/sites/KSUArabic/De...ission007.aspx
بالنسبة للماجستير الموازي مافي تخصص ماجستير إنجليزي ولكن باقي التخصصات بعضها يطلب قدرات جامعيين وبعضها لا،، شوف رابط الموازي
http://ksu.edu.sa/sites/KSUArabic/De...mission04.aspx

جامعة الإمام محمد بن سعود الإسلامية تطلب القدرات للجامعيين ولكن للأسف آخر تقديم عندهم ما كان فيه ماجستير لغة إنجليزية للماجستير العام (صباحي) كما هو موضح بالجدول على موقعهم
http://www.imamu.edu.sa/PortalNews/I...63b743c98.aspx
وبالنسبة للماجستير الموازي (مسائي) بنفس الجامعة يوجد لغة إنجليزية وبرضو يطلبون قدرات جامعيين واختبار توفل 530 أو ما يعادله اتوقع 92 ستيب هههههه هذا وهو مدفوع التكاليف الرابط يوضح لك
http://www.imamu.edu.sa/support_dean...20والتسجيل.pdf

آسف على الإطالة بس حبيت أفصل شوي هههه واللي يبي يستفسر عن شيء إن شاء الله يكون عندي الجواب :)