• ooo •
السلام عليكم
اهلين بنات
انا جارتكم بالانتساب >>
ايش جابك
انا دحين
مستوى خامس بالتخصص
وحابه اقولكم التخصص ممتع بس
يبغاله شويا تركيز ومذاكره اول بأول طبعا
بالنسبه للأستاذات
للمحاسبه فاطمه كمال وانتوا مغمضين
تشرح كويس بذمه وضمير
وماشاءالله بالها طويل يعني ادا قلتيلها
ماني فاهمه ترجع تعيدلك الشرح
الين تدخل المعلومه لمخك بالغصب
وبصراحه انا كنت زيكم ادور بالنت احسن استاذه للمحاسبه بما انها دسمه والاغلب يمدح بأستاده
انيسه وجوهره طبعا هما كويسات بس انا حبيت استاده فاطمه اكتر الله يسهل عليها زي ماسهلت عليا الماده
العلوم السياسيه/
أمل عرب
العربي102/ ماعجبتني الاستاده اللي كنت معاها حتى ماكملت سنترا توكلت ع الله وذاكرت لنفسي
((بس العربي سهههل الحمدلله))
الثقافه/
رحاب بدوووي عسووووله مرا
الاقتصاد الجزئ/
كوثر شغراب ولاتحكموا عليها من بدري لاننا اخترناها
انا وصديقاتي على مدح البنات لها
بالنت بعدين قولنا يووووه ماتفهم مو عالمدح اللي جاها بس بعد كم اسبوع غيرنا رأينا تماماً الله يسعدها شرحها حلووو وتديكم المفيد
افتكر اني ذاكرت
الشرائح حقت العرض وشيكت عالكتاب
بسرعه بسرعه والحمدلله جبت عندها درجه حليوه
مبادئ العلوم الاداريه/ الماده دي كلامها كتير وكتابها كبير
مابغى اخوفكم منها بس يبغالها فهم مزبوط
احسن استاذه درستني هي /
سلافه فيومي والحمدلله الاسئله كانت سهههله مو على المذاكره اللي ذاكرنها والخوف اللي خوفته وقت الامتحان
طولت بالكلام بس حبيت افيدكم حبايبي
واي استفسار عن
التخصص انا حاضره
الله يوفقكم
• ooo •