صباح الخير للجميع
عشان ما نلخبط بعض خلونا نوضح الامور زين
أولاً : شهادة ادارة مستشفيات بكالوريوس مطلوب منه التالي يروح للمكتب الخاص بالهيئة معه الطلبات الي موجودة بالنموذج الي ارفقته لكم
بعدها يروح يسدد مبلغ ( 1700) حق خمس سنوات مقسمة الى جزئين وهالنقطة يبدو انها ماهي مفهومه للكثيرين
الجزء الأول مبلغ 600 ريال وهذى اسمها ( رسوم التسجيل ) والجزء الثاني (1100) اسمها رسوم التصنيف المبلغ هذا طبعا لمدة خمس سنوات لكن مشروط
ثانيا: تاخذ خطابك وتروح للمكان الى يوجهونك له ويطلبون يقيمونك اثنين لديهم نفس تخصصك ومسجلين بالهيئة وتسجيلهم ساري المفعول
ثالثا : ترجع بعد ماتجتاز التقييم بخطاب للهيئة فية نتيجتك , ويطلب لك تصنيف (اخصائي مساعد )
رابعاً : تروح وبعد عام تجي عشان تعدل قرار التصنيف من اخصائي مساعد الى( اخصائي ادارة ) وعشان هالشىء يحصل له نقطتين
الاولي : اذا كنت على راس العمل تجيب مشهد انك عملت لمدة عام ومارست هالتخصص وتدفع 200 ريال وتمشى امورك
الثاني : اذا كنت عاطل فاعتقد انه يطلب منك مشهد خبرة وتدريب .
نموذج الطلبات الخاصة بالتصنيف والتسجيل المهني (الجزء الاول - لأول مرة ) الجزئ السفلي ( لاعادة التسجيل )
وهنا نموذج يوضح الرسوم مقابل الخدمات ولاحظوا انا حاط لكم خطين اسفل شىء
بالمناسبة اليوم عندي جلسة تقييم مع المحكمين ودعواتكم
راح ارجع وابلغكم وش يصير معي
موفقين