[دكتورة اسراء]

سلام عليكم جميعا

أنا اشتركت في هذا المنتدى بس عشان ارسل هذه الرسالة الوحيدة و أتمنى ما أكون سجلت ع الفاضي

يا طلاب و طالبات الجامعة بليز اقرأوا الي تحت و ردوا و اشتركوا في البحث لان العدد لسه ولا ربعه ما اكتمل.. الان اجازة و اتسلوا عليه و ارسلوه لكل انسان تعرفوه في جدة و خاصة اذا بيدرس في الجامعة

أولا أعرف بنفسي.. اسمي أستاذة إسراء قاري معيدة في معهد اللغة الانجليزية و حاليا أحضر الدكتوراة في لندن.. وصلت الان في الدكتوراة لمرحلة تجميع البيانات.. لهذا أطلب منكم و أتمنى من الجميع المشاركة أن تحلوا الاستبيان.. فيه استبيانين واحد عربي وواحد انجليزي بس ملاحظة مهمة جدا الاستبيان العربي لازم ينحل باللغة الحجازية العامية و ليس بالفصحى هذه نقطة جدا مهمة في البحث

أتمنى تحلوه يا بنات و أولاد الله يجزاكم الخير و ترى الاستبيان عبارة عن ايش حتقول(ي) أو تسوي في مواقف معينة يعني كثير قالوا لي مسلي جدا

حأدعي لكل شخص يحل الاستبيان انه الله ينجحه و ينجحها هاذي السنة و كل سنوات دراسته بأعلى الدرجات بالاسم ان شالله.. و احتاج أولاد كمان يحلوه مرة ضروري أنا أحتاج ستين شخص ثلاثين بنت و ثلاثين ولد و الى الان العدد ما كمل عشرة.. يا جماعة بليز ارسلوا الاستبيان لكل صحباتكم أخواتكم أخوانكم و انشروه و خلوا الناس تحل الاثنين العربي و الانجليزي

انا رسلت الملفات المطلوبة اذا ما انفتح او فيه اي مشكلة بليز راسلوني و انا حارسله لكم شخصيا و بليز لما ترسلوا حل الاستبيان لا تنسوا توقعوا في ورقة الموافقة على الاشتراك بالبحث ممكن توقعوا عن طريق كتابة الاحرف الاولى من الاسم

https://docs.google.com/file/d/0B_lB...it?usp=sharing
https://docs.google.com/file/d/0B_lB...it?usp=sharing

لما تفتحوا الرابط روحوا فوق ع اليسار حتلاقوا سهم اضغطوا عليه عشان يسوي داون لاود للملف و تقدروا تكتبوا على الاستبيان مباشرة

و اذا تعرفوا أي احد لغته الانجليزية جيدة أولاد و بنات ارسل(ي) لهم على طول و العمر يا حبذا يكون لا أقل من 16 ولا أكبر من 40 سنة

و شكرا جزاكم الله ألف خير أتمنى من الجميع المشاركة و اذا عندكم سؤال اتفضلوا و يارب أشوفكم كلكم دكاترة و ترفعوا راس البلد أمين يارب

أستاذة إسراء
baybati at yahoo dot com

Kindest Regards
Israa A. Qari
PhD research student – Linguistics