[اقتصادي لغوي]

اول شيء المعذرة والسموحة منك يابو لنو اني قلت " تحياتي ليكي " في آخر رسالتي الماضية وحاولت أعدلها وماني قادر

استاذ أبو لنو بصراحة أحس نفسي أقل من أن أشير عليك بطريقة معينة

لكن أنا اشتريت كتاب البابطين وكتاب محمد حسن طيب

ومن خلال اطلاعي السريع على بعض موضوعات اختبار القدرات في النت لاحظت ضعف عندي في نقطتين تقريبا اللي هم الأشكال ( الرسومات ) اللي في بينها شكل مختلف أو شكل لازم تتوقع انو الشكل اللي يكمل الأشكال المعطاة لك في السؤال

وضعف تاني في موضوع العلاقات المنطقية بين الكلمات ( في الجزء اللفظي تقريبا )

المهم قرأت ودرست كتاب البابطين كامل مع حل نموذج الاختبار اللي في الكتاب

وقرأت النصف الأول من كتاب حسن طيب تقريبا واستفدت منو خصوصا في موضوع الأشكال اللي كلمتك عنو

وطبعا من الكتابين استفدت وراجعت بعض الأشياء الرياضية اللي كنت نسيت بعضها مع الزمن

بس وسلامتك وهادي طبعا كانت المرة الأولى اللي اختبر فيها قدرات جامعيين وان شاء الله انقبل في قسم الاقتصاد ويتحققلي اللي أتمناه وربنا يحققلك اللي تتمناه

أتمنى أكون أفدتك ولو بشيء قليل والمعذرة منك ان كنت قصرت في الشرح أو التوضيح أو الإفادة :)