[اقتصادي لغوي]

أهلين يابو راكان :)

أنا ما راح اتكلم عن نقطة الافتراء اللي اتعرضت انتا ليها ....

لكن يا ريت توضحلنا نقطة الانحراف المعياري هادي أكتر عشان اللي مو فاهم مننا يفهم

وياليت تذكر لنا مصدر كلامك عشان التوثيق

وأنا أول اللي مو فاهمين ههههههههههه

أنا كأنو مرت عليا نقطة الانحراف المعيارية هادي بس ما اعطيتها كبير اهتمام فراحت مني وما فهمتها في وقتها للأسف خخخخخخخ

وعلى فكرة أنا درجتي الكلية في اختبار القدرات كانت 88

والموزونة ( 12 * 4.47 + 0.4* 88 ) = 88.84

أنا بصراحة حاب أفهم نقطة الانحراف المعياري هادي عشان خايف درجتي ما تكون حلوة لما أقدم ع قسم ماجستير الاقتصاد

خصوصا اني أطمح اخد الماجستير ف سنتين وأقدم على بعثة دكتوارة لأمريكا

وبما أنهم أضافو تخصص الاقتصاد لتخصصات الابتعاث هادي السنة وممكن يستمر موجود لعدة سنوات

فأكيد راح يتوجه عدد كبير نوعا ما لماجستير الاقتصاد .. قصدي اللي يبغو يسو زيي ويقدمو ع بعثة دكتوراة بعد سنتين أو اللي حيتخرجو بكالريوس نهاية السنة الدراسة هادي ....

وخصوصا انو القسم يقبل طلاب من كافة الكليات والأقسام التالية : الاقتصاد و الادارة - الهندسة - علوم الارض - الآداب (جغرافيا) - العلوم (احصاء – رياضيات) – الارصاد (العلوم البيئية – ادارة المياه)

الخلاصة الاقبال ع القسم متوقع يكون كبير حسب وجهة نظري المتواضعة

فحاب أضمن القبول في القسم ومتردد أعيد اختبار القدرات ولا أكتفي بالدرجة اللي جبتها اللي هيا 88

تحياتي ليك وربنا يحققلنا اللي نتمناه :)