[silky]

المشاركة الأصلية كتبت بواسطة mrmjk10 السلام عليكم ورحمة الله .. أنا متخصص إنجليزي وهذا أول ترم لي في التخصص .. بصراحة التخصص ما عجبني وماهو مثل ما توقعت أنا هدفي هو يكون عندي مهارة ايجاد اللغة فقط ؛ بناء جملة وفهم ما اسمعه والكتابة والنطق بشكل صحيح لكن اكتشفت أني راح أضيع ثلاث سنوات أدرس حاجات أغلبها أدبية ونحوها في وقت انا احتاج فيه مهارات اخرى درست الموضوع بشكل عام وقررت التحويل لـ كلية الادارة ؛ رحت أبغى أستفسر في الجامعة وكل واحد يرسلني عند الثاني وموظفين غايبين وتعبت صراحة كل اللي أحتاجه هو معلومة وحدة ؛ أنا جايب في التحضيري معدل ممتاز " 4.3 " بسهولة أنقبل في كلية الادارة .. لكن سمعت إنهم ما يبغون هذا المعدل يبغون معدل الترم اللي أدرسه حالياً !! طيب أنا بأغير التخصص كامل إيش راح يستفيدوا من معدل هذا الترم من مواد في تخصص مختلف؟ كيف أقدر أحذف المواد اللي درستها بدال ما أتعب وأجيب درجات في الاختبارات النهائية وآخرتها أغير تخصصي! يعني أبغى أقدم على كلية الادارة كأني دوبي جاي من السنة التحضيرية .. هل هذا ممكن أم ممنوع ؟ أتمنى وضحت إستفساري بشكل كافي .. شاكر لكم مقدماً

وعليكم السلام ورحمة الله وبركاته

سؤالك اخي الكريم جاي متأخر شوي لو سألت قبل نهايه الحذف والاضافه كنت شرت عليك ما تأخذ مواد تخصص بس تأحذ مواد عامه ومتطلبات جامعه بحيث يحسب لك الترم وما يأثر على معدلك بل قد يرتفع

أمر الله

الحل الامثل لو فهمت عليك ( خايف مواد التخصص تنزل معدلك صح ) تعتذر هذا الترم لأنك لا تستطيع حذف موادك الان بحيث تبقى على معدل التحضيري والترم القادم تكون متخصص بنفس القسم لكن تطلب التحويل لأي قسم آخر تفضله وبعد التحويل تكمل طبيعي

رايي أتمنى يناسبك