[white rose]

حياك الله اختي الكريمة

مادة الحاسب ومعادلتها بالساعات تتم عن طريق عمادة القبول والتسجيل تروحي لهم بالدور الثاني من مبنى الشئون 65 وتتاكدي من مسالة المعادلة وليه ما دخلت الساعات بالساعات المجتازة لك لانو لمن تتعادل المفروض تنزل الساعات دايركت عندك بالاودس وتنضاف الى الساعات المسجلة كمان تقدري تروحي لمكتب الانتساب بالمبنى الثامن 809 وتطبعي كشف بحالة الطالبة وتشوفي الساعات هل حُسبت لك او لا وتتاكدين منها لانو وقت التخرج ولمن تراجع معك مس جميلة الساعات ما راح تعتمد لك طلب التخرج الين تتعادل الساعات للحاسب ،،

ولا ما تضيفي مواد حرة بس عدلي وضعك من العمادة ومكتب الانتساب الجديد الين يعتمدو لك الساعات وتنزل بالكشف انك تجاوزتي المادة نتيجة المعادلة ويعطوك الساعات ضمن الساعات المسجلة لك

مس ليلى هيا محتكرة الصوتيات وتعتبر المادة معها طيبة تحتاج منك مجهود ومذاكرة وتنتبهي هيا كيف بتعمل الترانزكربشن تمام وتحفظي الكلمات زين لكل رمز وكمان تركزي على التعاريف والتعدادات ودايم احفظي امثلة ولو فيه سلايدات صميها زين وعادة تكرر مس ليلى باسلوب اسئلتها والنحو مس منال ما تطلع من تاشيرها بس اللي يتعب بالكورس معها انها تبغاك تكوني فاهمة مضبوط لكل نقطة وحافظة للتعاريف والتعدادات والامثلة وتجيك اسئلة منوعة من المنهج ولابد يجيك سؤال ايسيه او سؤالين حسب ماتخبركم بالكلاسات من الشبترات الاخيرة والاولى واحياناً تركز على اشياء ما نعطيها اهمية فتلاقي الكورس معها مرهق شوية لكن مع الاجتهاد والفهم واهم نقطة انك تفهمي عشان لو لا قدر الله ما تذكرتي النص للتعاريف تكتبي من فهمك والامثلة كمان ركزي عليها وربي ما يضيع لك تعب

الحاتمي ما يطلع عن السلايدات وتضمني معه اذا شديتي حيلك الايه بلس بإذن الله اما مس ايمان فما انصحك تنزلي معها مادتين نزلي مادة وحدة معها لان الكورس معها صعب من ناحية انها تبغاك تكتبين بطريقة محترفة وتنتبهي على القواعد وتغطي المنهج والسلايدات الزايدة اللي تعطيكم هيا بالمسرحية واحيانا ماتلتزم بكلامها بالمحاضرات وتجيك اشياء ما تكلمت عنها زي ما صار الترم الاول مع البنات فاستخيري ونزلي مادة وحدة كفاية معها والله ييسر لك امرك :-)