رد: لم اسدد الرسوم رغم انهم قبلوا الاعفاء الا انهم حرموني واوقفوني؟؟؟
صاحب الموضوع الله يساعدك بس عندي نقد يصاحبه حدة في الحوار - تحملني شوي
أخوي أنت من النوعيات اللي أتمنى تنقرض من البلد - إعذرني لأني صريح
الآن مدة الترم الواحد ثلاث أشهر وقلت إنكم حصلتوا على موافقة مبدئية وطلبكم معلق بالعمادة لحين المراجعة - ذا كلامك أنت
طيب خلال ثلاث شهور وش تسوي بالله ؟؟ - يعني لا جيت تخلص أمورك ولا أنت اللي سنعت أمورك وقت مدة السداد والآن ورطت وتنتظر منهم الرحمة وأنت في غنى عنهم من البداية
إسمح لي نوعياتك مصدر إزعاج إن كانوا مجرد مواطنين لأنه يلخبط عمره ثم يشغل الناس معه بعدين وإن كنتم ماسكين أمور العباد عبر مناصب معينة تصيرون باردين وغير مبالين ويضيعون الناس بسببكم
بتكلم عن نفسي - المستوى الخامس أعتقد خربت سيارتي فجأة وأنا طالع للإختبار وما حضرته وما خليت طريقة تواصل ما عملتها وأنت عارف نظام الجامعة يعطيك إجابة ناقصة مثلهم وما تدري بالضبط وش تسوي من غموض الإجابة ومهما إستفسرت يزيدون مستوى الغموض حتى العميد بكبره كلمته وضعت
كان سؤالي بسيط هل أقدر أختبره الترم القادم بدون تحتسب علي ساعات إضافية أم لا ؟؟ - سؤال واضح ويحتاج نعم او لا
لما شفت الأمر أخذ أسبوع والمراسلات وصلت لقرابة عشر رسائل - تجاهلت الأمر كلياً والعوض عند الله - ونزلتها الترم اللي بعده لكن بإضافة ساعات وذا أثر علي شوي في المعدل بدل ما أتخرج 128 ساعة أصير 131 ساعة
الزبدة من كلامي يا زين الواحد يصير نار حية - البرود وأنا أخوك يجيب المرض لك وللناس اللي حولك يتعاملون معك
|