السلام عليكم
انا طالبة انتساب وادري مكاني مو هنا بس مالقيت تجمع الا للي عن بعد
انا تحضيري وحدخل انجليزي ومتخوفه
وبسآل كم سؤال
اسئلة الاختبار غالبا تكون مقاليه ولا اختيارت؟
وبالنسبه لمواد العملي كيف حتكون واحنا انتساب؟ هل فيه حضور للجامعه عشان المواد العملي؟؟ يعني يكون فيه اختبارات عمليه؟
ومواد الكتابه كيف حيكون الاختبار راح يقولولنا من قبل عن ايش يكون الموضوع ولا يجي كدا فجأه ؟؟
متخوفه لان مستوايه بالانجلش متوسط بس مرررا حابتو
وشكراا
|
أهلا بكِ في قسمنا الجمييييييييل
ماراح أزخرف لك الحقيقة
بقولك قسمنا يحتاج مجهوووود طول السنة وحتى في الإجازة لازم تشتغلي على نفسك على طول على طول
متعب لكن اللي عنده هدف يوصل له مهما كانت المتاعب والمصاعب
القسم اسمه أدب انجليزي يعني بتدرسي مو انجليزي عادي
فعشان كده لازم لازم لازم تطوري نفسك يوميا لازم تتعلمي شي جديد في اللغة
وأنصحك بالقراءة والقراءة والقراءة لأنو القسم معتمد على القراءة أكثر شي
ولا تنسي الإستماع برضوه مهم !
ما أخفيك القسم ممتع جدا جدا للي يحبه مع التعب والمجهود ممتع فوق الوصف
وأنا متأكدة طول ما إنتِ تحبيه وعندك هدف راح تمشي بإذن الله :)