[بيو كيميائية ^_^]

عن طريق العمادة ترمين هم اللي ضافوهم لي ما ينضافون مع إني أحاول بس لأن الشعب ما تكون مفتوحة للماستر فهم لازم يعملون شيء يخليها تنضاف

تشيلي الإيقاف لما تعدين أتوقع أنا هالشيء ما طلع عندي أبدًا

شوفي هو كله يعتمد على مستواكِ في اللغة كيف يمكن الترم الأول تواجهين صعوبة بعدين تتعودين

جاوبتك على تقسيم المواد هو يعتمد على الدكاترة و على قدرتكِ أنتِ

شوفي بحكم إني مجربة القسمين و في نفس الجامعة راح أقول لك بصراحة الكيمياء أكثر تعاون و هذا شيء يرجع كمان لقلة البنات في الشعبة يعني أفتكر لما تكون الدرجات مو عالية تعمل لنا تحسين من نفسها أو إذا طلبوا البنات منها تعمل لأن في الكيمياء الشعب كله 14 أو 15 بنت مرة مرة 20 أو 19

بعكس الحيوي الشعب مليانه فمثل هالنواحي كنا نفتقدها بس هذا لا يعني إنهم مو كويسات بس حقون الكيمياء كانوا أفضل و إنسانيات أكثر بس أنتِ لا تهتمي تتعاون أو لا أنتِ شدي حيلك و لا تحتاجي لأحد

أنا درستني وحدة ترمين ماتعرف إني ماجستير و لا عمري رحت لصقت في دكتورة و لا أحب يعرفون إني ماستر و الحمدلله درجاتي كانت حلوة

ممكن تحسي بصعوبة في الترم الأول عشان لغة و عشان تخصص ثاني بس الترم الثاني بتبدعين

أنا الترم الأول واجهتني صعوبة التخصص غير و كمان ما تأقلمت مع البنات حسيتهم أطفال مع أن الفرق كان بينا 3 سنوات و فيه منهم بس سنة فرق بينا

بس لكن جبت درجات حلوة الحمدلله الترم الثاني كان أفضل

حاولي قد ماتقدرين تجمعين طول الترم درجات في ايدك 60 درجة إكسبيها لأن الفاينل ماتعرفي ايش يصير فيه

ذاكري أول بأول لا تقولي بكرة أو بعده لا إكرفي

أصلًا راح تشعرين بضغط نفسي كبير عشان تخافي تنتطردين لدرجة لو نقصتي درجة بتجلسين تبكين من الخوف ههه

و على فكرة معدل الترم الأول مجرد تخلصين راح يصفر و يصير أنتِ في المستوى الأول من جديد يعني لو قسمتين نص الترم الأول و نص الثاني

ماراح ينجمع المعدل للترمين مع بعض

و حطي في بالك a+ و لا تقولي المهم أعدي

الله يوفقك و آسفة كثرت حكي بس حبيت أحكي لك كل اللي مريت فيه لأن أنتِ عكسي

و إذا حابة تسأليني عن الدكاترة و أقول لك عن المواد ماعندي مانع :)