رد: البنات اللي اخذو خصوصي مع استاذة ايمان الدهشان
واو المادة بألفين !!!
ليه الخسارة دي؟ والله ما تستاهل
انا انصحكم اول شي تجربو المواد افهموها مع استاذات الجامعه ترا والله ممتازات
ارجعوا راجعو واتدربو على اسئلة السنوات الي فاتت واختبروا نفسكم لا تخسروا نفسكم فلوس قد كدا وانتو قادرين تجيبوها بدون ما تثقلو على اهاليكم
ترا والله ماتحتاج نفس مواد الثانوي تنعاد وبطريقة اسهل
اذا مافهمتي مع استاذتك حولي لاستاذه أحسن
وعندك في اليوتيوب قناة خان اكاديمي كان جداً جداً مفيد + فديوهات يوسف زويل
أنا + كثير غيري اعرفهم وهما دحين داخلين معايا طب ما راحوا لاستاذات خصوصيات
بالتوفيق حبايبي الله يكتبلكم الخير
كلامي مو استنقاص للي يروحو للخصوصين أبداً بس في بنات لما يشوفو انو مجموعة كبيرة تروح خصوصييات يبدأو يخافو ويصيرو يحسو انو هما كمان يحتاجو خصوصيين ويثقلو على اهلهم
وهي تكون بالعكس قدها وتقدر بس مع الخوف
فانا بقلكم اغلبيتنا ماكنا نروح لخصوصيين والمواد سهله باذن الله ربي يوفقكم
|