[Loveless]

السلام عليكم

ما شاء الله بنات القسم الجديدات ، صراحة من جد افتقدت هجولة الجداول و قلقها ..

الله يوفقكم شدو حيلكم ترا الجامعة تمر في غمضة عين .. و كوني خريجة السنة الي راحت لو في شيء قدرت أفيدكم عنو ان شاء الله حفيدكم ..

لا تنسو انو اختيار الأستاذة أو الدكتورة أهم من اختيار المواد + المتطلبات لا تلعبو فيها عشان ما تتأخرو عالتخرج و تتورطو لما تقربو تتخرجو و تزيدو ترم و الكلام دا ..

و في النهاية خلوكم ايزي و لا تشيلو هم ياما ناس ذمولي استاذات الين ما فكرت اعتذر من الترم ، و في النهاية ؟ كانت افضل درجاتي معاهم و اخدت معاهم تاني .. مو شرط رأي زميلتك يشبه رأيك ..

فأنتي لما تسألي عن استاذة او دكتورة تسألي عن ايش ؟ اسلوبها + شرحها + اخلاقها + تكاليفها + مرونتها مع الطالبات في حال لا قدر الله غياب عن تسليم تكليف او اختبار ..هادا كلو اهم من انك تحذفي المادة بسبب انو صحبتك قالت ( لااا مو كويسه مررره لا تاخدي معاها ) ..

الله يوفقكم ،،