[Hnodh]

المشاركة الأصلية كتبت بواسطة loveless لااااا حبيبتي أبداً ما عليكي خدي راحتك بالعكس و ربي يسعدني إني أساعد الطالبات زي أيام ما كانوا يساعدوني هنا ما قصروا معايا أيام ما كنت زيكم ^ـ^ خلااااص كووويس حذفتيها ان شاء الله خير لكي .. كووويس اضفتي عربي 100٪ انتي كده .. العربي تافه جميل ممتع كنت اعشق المادة دي ايوه حبيبتي دسمين .. المدخل توجيه بما انك دوبك داخله التخصص محا تستوعبي الكلام ايش اصلاً .. يبغالك كمان تتعمقي يعني ممكن المستوى الجاي يكون تمام لما تكوني اخدتي فكرة اعمق و بديتي تدخل مخك الاساسيات .. الشباب و قيم اساسًا المادة غلسه + مو كل الاستاذات كويسين + كلهم يبغوكي تسوي نشاطات و يوم توعوي و يوم للوطنية و تكليف عرض و اشياء لليل المادة دي فيها لعنة محد عمرو مدحلي هيا و الشرح ما كان من الكتاب و الاسئلة من نص السطور و ما تشرح الاستاذة خلتنا نقسم الكتاب على كل بنات الكلاس !!! و سارت مقسمة المحاضرات كل يوم على قروب يقوم يشرح الدرس الي المفروض الاستاذة تشرحو تخيلي بس ..عمومًا لو جاتك فرصة تاخديها صيفي و ربي انصحك تسجليها .. خدي راحتك حبيبتي احنا هنا عشان ما نخليكم تغلطو الغلطات الي غلطناها و عشان تكونو ان شاء الله أحسن مننا .. الله يوفقك ، و أي سؤال تاني اسدحيه لا تستحي

الله يسعدك يارب وربي ماقصرتي بس حطمتيني في ماده شباب وقيم لهالدرجه متعبه هالماده بعدين المفروض مايتقسم الكتاب على الطالبات اذا كذا لايحضروا المحاضره يذاكروها بالبيت اصرف انا سجلتها عند استاذه ندى الغامدي واشوف الكل يمدحها فمتفائله فيها يعني قولك احذفها واحط بدالها ثقافه الي متعارضه معاها والا اخليها مع استاذه ندى الغامدي والثقافه اسجلها من الجامعه ؟