[Hnodh]

المشاركة الأصلية كتبت بواسطة ملآك~ طيب اكتبيلنا جدولك مره ثانيه خلينا نرتبه ونشوف اذا تحذفين شباب وقيم او تخلينه عموما هو من مواد المستوى الاول وانصحك تمشين عالخطه انا اشوف المادة مو بذيك الصعوبه يعني هي سته فصول ولو تشوفين الكتاب مممرره نحيييف والفصلين الاولى من اسهل ما يكون يعني اضمني بالدوري الاول تأخدين فل مارك تخيلي معي ان الفصل الاول يتكلم عن تاريخ المملكة نفس الي درستيه من الابتدائي الى الثانوي من الملك عبدالعزيز الى الملك عبدالله وانجازاتهم.. والفصل الثاني يتكلم عن جغرافيه المملكة موقعها و سكانها و طقسها و الحدود و كذا يعني برضو نفس اللي درسناه من الابتدائي للثانوي .. الفصل الثالث و الرابع تتكلم عن الثقافه السائدة في المجتمع السعودي ومفهوم المواطنه عند المجتمع السعودي الفصل الخامس و السادس تتكلم عن الشباب ومسؤوليتهم تجاه الوطن و التحديات الي يجواهونها .. يعني انا بالنسبة لي شفت المادة سهله و نجحت فيها بالتسعين وكان المفروض اخذ اي بلس لكن التكليف نقصني Loveless بتتصفقين على كلامك عن المادة شكل تجربتك كانت مخيسه فيه وشكله تجربتك ما كانت موفقه بسبب الاستاذة واضح دامها مقسمه البنات يشرحون فلا تخافين هنوده لأن لوفيلس ما توفقت بالاستاذه .. انا استاذتي كان اسمها نهى كانت ممتازه تأشر و تحذف عشان كذا توفقت بالمادة معها الحمدلله واعتقد استاذة ندى كمان سمعت انها زيها .. عموما اتوقع تكليفكم انكم تسوون مجموعات و تشاركون بالحفله حق اليوم الوطني الي يسوونه كل سنه بالجوهره لأن تكليفها العام كان كذا و اتوقع كل سنه . بالتوفيق حبيبتي

والله خرشتني لوفليس برأيها بالماده احس وصفك للفصول اعطاني فكره مبدئيه كويسه للماده وان شاء الله مع استاذه ندى تكون افضل الله يسعدك رجعتيني لوضعي الطبيعي بعد مانخبصت
وانا ابي اخذها هالترم وافتك وفعلا انا مابي اغير من الخطه كثييير

انا ماعندي مشكله بالنسبه للتكاليف الماده اهم شي ماتكون تحريريه التكاليف لاني اجيييب العيد اذا جيت اعبر
والجدول برفقه بالنسبه للثقافه قلت راح اروح اضيفها من الجامعه واحطها قبل شباب وقيم كيف حيكون الجدول كويس كذا ؟!