السلام عليكم
وعليكم السلام ورحمة الله وبركاته
مسا الخير للجميع
انتي كتبت موضوعك في الصباح الساعة 07.57
اكتبي صباح الخير
إلاَّ إذا تكونين الحين في أقصى شرق الكرة الأرضية أو أقصى غربها ماليزيا أو أمريكا
عندي سؤالين ضروريين حابة الاقي جواب عليه
إن شاء الله تلاقينه
السؤال الاول : انا بدرس الترم التالت وتخصصي ادارة عامة .. بالنسبة للحضور والغياب على نظام البلاك بورد كيف اعرف انو انا حضرت المحاضرات حقتي كلها وسجلولي حضور بالعلم اني انا دخلت ع رابط الحضور والغياب المتعارف عليه بس يقولي "لا يوجد محاضرات في جدول البيانات " !!! ف هل يوجد رابط معين بل البلاك بورد نعرف منو الحضور والغياب ولا كيف ؟؟؟
الجواب : الحضور والغياب لسى ما تحدث راجعي بعد كل فترة وفترة
واحتمال كبير يلغوه
لأن طلاب وطالبات كلية رابغ بدأوا نظام البلاك بورد قبلنا في الفصل الدراسي الثاني من العام الماضي
فكانوا محرومين من صفحة الاستعلام عن حضور المحاضرات
ووقتها نحن طلاب وطالبات كليات الجامعة الأخرى نستخدم السنترا
وكانت صفحة الاستعلام عن الحضور محدثة ومتاحة لنا فقط بعكس كلية رابغ
يمكن عشان صعب أخذ بيانات الحضور بطريقة سلسة من البلاك بورد ووضعها في الاستعلام
ويمكن ح يبرمجوها ما أدري
السؤال التاني : انا بعد مانزلت جميع موادي ع الجدول وبديت ف الدراسة وبديت حليت واجبات وكل شي اكتشفت انو انا مسجلة 17 وحدة والمطلوب ف خطة الترم 18 وحدة !! ولمن جيت اضيف مواد تانية ع الجدول عشان اكمل الوحدة الي بقيت يوقلي " تم تجاوز الحد الاقصى لعدد الساعات" ؟؟ ايش الحل ؟؟ هل رح يأثر دا الشي ع دارستي ف دا الترم او الاترام الجية ولا ايش رح يحصل ؟؟
لا مو شرط يكون جدولك 18 وحدة 100%
لأنه بعض المواد بـ وحدتين وبعضها بـ ثلاث وحدات
وشوفي خطتك الدراسية ح تلاقين بعض الأترام 18 ساعة وبعضها 17 ساعة
والمقصود إنك ما تقدرين تتعدين 18 وحدة أو ساعة في الترم الواحد
وليس المقصود إنك لازم تأخذين بالتمام والكمال 18 ساعة
وأضيف لك آخر ترم بيكون لك 24 ساعة كأقصى عدد ساعات إذا معدلك عالي أو 21 ساعة إذا معدلك يمشي الحال
ياليت تساعدوني وتردو عليا
