[saadoony]

المشاركة الأصلية كتبت بواسطة عذوب لكن اذا زوجتك او احد من محارمك جامعية ومنطبقة عليها شروط البعثه تقدر تروح معاها مرافق تدرس وماتخسر وظيفتك في العسكريه لانهم راح يعطونك اجازة استثنائيه للمرافق . هذي أحد الخطط لأن أختي على وشك تغلق بكالوريس أشعة وأفكر أقدم لها في المرحلة الحادية عشرة وأن شاء الله يقبلونها لكن كوني مرافق وموظف معها هل يحق لي الدراسة على حساب الملحقية؟ لا أعتقد ذلك الأمر الآخر عملي أكثر شئ راح يسوونه إجازة إستثنائية بدون راتب والسنوات ما راح تحسب لي في الخدمة شوف موقع الوزارة وتاكد قبل كل شي هل ماجستير الانجليزي يلحق بالبعثه لاني ماقرات انه من ضمن التخصصات . بالنسبة للتخصص مو من ضمن التخصصات المدرجة للإبتعاث في المرحلة العاشرة لكن 75% من السعوديين طلعوا أمريكا على حسابهم حتى يتسنى لهم دراسة التخصص اللي يرغبون فيه لأن الإبتعاث من هنا يجبرونك على تغيير أو أختيار تخصص لا ترغبه ونصيحه لا تفرط في وظيفتك الا على شي مضمون ولاتغامر وتسافر للخارج وتكتشف ان الشروط غير منطبقة عليك وتندم تاكد من الوزاره بكل خطوه ... سألت كثير زملائي المبتعثين وقالوا لي أهم شئ أهم شئ تدرس في معهد اللغة هناك لمدة لا تقل 4 شهور بعدها تعدي التوفل وتجيب قبول للدراسة بأي جامعة هناك

المشاركة الأصلية كتبت بواسطة بيو كيميائية ^_^ أول حاجة لساتك صغير في عز الشباب شكراً على رفع معنوياتي ^_^ بالنسبة للدراسة هو ممكن تختبر هنا توفل بس الجامعة بتكلفك خصوصًا إنك بتطلع على حسابك كثير من زملائي المبتعثين أجمعوا على هالرأي أنا أشوف عادي تختبر توفل و تروح هناك لغة في ولاية رخيصة جدًا و لما تنضم على البعثة روح جامعة قوية جدًا حتى لو في ولاية غالية لأن راح يفرق معاك لما تتخرج من جامعة قوية مرة و من جامعة أي كلام هذا اللي أفكر فيه بس خاف الجامعة القوية يكونون شديدين وأجيب العيد وأبو جلمبو f مع أني ما قدت أخذته قبل إلا في اللغة العربية و الوظيفة خذ إجازة أو استقيل إذا هالشيء يمنعك من الإلتحاق بالبعثة كل الناس تقول حرام تفرط بالوظيفة بس يتاجهلون إن لما تكون ماستر بيكون راتبك أعلى بتتحسن أوضاعك هذا الكلام اللي يدسم الشارب أنا لي 8 سنوات في عملي الحالي وبدأت براتب 5800 والآن راتبي 8500 علماً بأني لو أستمريت في وظيفتي هذي راح أتقاعد على راتب 7000 لكن لو درست ماجستير ورجعت بالسلامة راح تتوفر لي فرص وظيفية براتب أعلى أقلها أقدم بالخدمة المدنية على المرتبة الثامنة وفيه ناس حصلوا لهم وظائف على المرتبة العاشرة ولو قدمت على التعليم راح أتعين على الدرجة السادسة هذا كله توفيق من رب العالمينوجل ما يهمني هو الإرتقاء بالمستوى المعيشي لي ولعائلتي

المشاركة الأصلية كتبت بواسطة nephrology حاول بشتى السبل للدراسة ،، فالدراسة لا تتوقف عند حد معين ونصيحة إنتبه تفرط في وظيفتك أو استقاله على أمل غير مؤكد ، فتذكر أن هناك أكثر من 3000 طالب وطالبة يحملون الماجستير والدكتوراه عاطلين ،، ومن يطلب منك الاستقالة لن يتحمل تبعات ذلك ولن يساعدك بريال واحد لو احتجت له ادرس بإجازة دراسية بدون راتب طبعاً أو استثنائية ،، ففرصة تحسين مستواك الوظيفي وأنت موظف أسهل واسرع

طبعاً أنا موكل أمري لله وهو الرازق وحده حتى لو درست بإجازة إستثنائية بدون راتب في نهاية الأمر لازم أقدم إستقالة حتى أحقق شروط الملحقية أما عن فرصة تحسين مستواي الوظيفي فلا يمكن ذلك لأني في نهاية الأمر راح أتقاعد بعد 13 سنة أن الله أحيانا رئيس رقباء براتب تقاعدي قدره 7000 لكن لو كملت ماجستير ورجعت بالسلامة راح تتوفر لي فرص وظيفية مدنية أو قطاع خاص أفضل والتقاعد راح يكون بعد 25 سنة بعد عمر طويل


في النهاية لا أملك أن أقول يعطيكم العافية على تشجيعكم وردودكم علماً بأني وضعت موضوع في منتدى مبتعث في وقت سابق وكالعادة مشاهدات بلا ردود ولكن دائماً أرجع لمنتدى سكاو الذي أنطلقت أناملي منه في الكتابة والإبداع بسبب أني سأرى من يرد ويكتب بعدي