[الخوارزمي بلس]

الحمد لله دائما على كل حال

أولا / كما تفضل الاخ ثامر 2014 بخصوص التاخير الي حصل والي اصلا مال امه داعي لانه مهما تطورنا في العلم عندنا ناس ( مراقبين او مشرفين او دكاتره ) متخلفين ،، يعني انا جلست في قاعه ( 206 ) بالدور الثاني والاختبار المفروض يبدأ الساعه (1 ) تمام ،، فا الي حصل انه صارت الساعه ( 1.15 ) وماجاء أي مراقب او مشرف او دكتور ،، ولمن حضروا قاعدين يتشاورو فيما بينهم ثم قالو ياشباب صف صف ،،، فانا مكاني تمام اخر كرسي في اول لاين على اليمين وفي بعض الشباب رتبو نفسم كالمعتاد على وضعيت صف و صف والباقي خرجو يدورو اماكن فاضيه ،، شويه يجيك المراقب يوزع الاسئله على مزاجه ويترك الصف الي انا فيه باكمله وصفوف اخرى وقال خلاص ياشباب الي ماوصلتو اوراق الاسئله والاجابه يخرجو يدورو اماكن فاضيه في قاعات اخرى ,,, طبعا الساعه صارت ( 1.30 ) وطبعا بعد مضي نصف ساعه من التخلف حق المراقبين تعالت الاصوات والمهاوشات مع المراقبين على اساس انه مافي اماكن فاضيه في قاعات اخرى لانه واحنا جالسين حضرو مجموعه كبيره من الطلاب من قاعات اخرى يدورو اماكن ولكن .... للاسف خرجنا ورحنا ندور قاعه نجلس فيها ... وبعد الزنقه فتحو كذا قاعه صغيره شالت عدد الطلاب ... واول مابدأو في توزيع الاسئله في تمام ( 1.45 ) يعني ساعه الاربع مضت من المهزله والتخلف الي مالها داعي ... والساعه
( 2.30 ) المراقب يقول الي ماضلل يضلل بسرعه خلص الوقت .... فاااا لا تعلييييييييق

ثانيا / بالنسبه للماده اسئله متخلفه ووقت مافي ولكن قدر الله ماشاء فعل ... وبالنسبه لي انا ابغا درجة النجاح فيها وربنا يستررررر

أسف على الاطاله ولكن هذه ليست المره الاولى الي بيحصل فيها التخلف هذا والله يسامحهم ،، اذا المراقبين او المشرفين اول مره يراقبو المفروض يعطوهم التعليمات وطريقة التوزيع مو الطلاب الي يجلسو يوجههو المراقبين والمشرفين كيف طريقة توزيع الاسئله ....

اتمنى لكم كل التوفيق والنجاح